80 ríkisjötustörf til Vestfjarða!!!!

Heil og sæl frá Key Largo.
Hér vestra eyða fjölmiðlar mestum tíma og rými í að reyna að finna orsök fjöldamorðanna í Virginíu,hvað það var sem brast í geði þessa ógæfusama Kóreumanns.Fátt er um svör en greinileg varúðarflögg voru á lofti og það svo að einn af próessorum hans fór til Háskólalögreglunnar og sýndi þeim ritgerðir,sem höfðu vakið með honum ótta vegna öfga og ofsa..En án sannanna var ekkert hægt að gera.

Komið er fram að hann keypti vopnin fyrir mánuði síðan,tvær byssur og skotfæri fyrir um 500 dollara og tók bakgrunneftirgrennslan 1 mínútu að sögn verslunareigandans.Viðskiptin voru fyllilega eðlileg og samkvæmt laganna ramma.

Greinilegt að pilturinn var búinn að undirbúa þetta lengi og skrifaði sjálfsvígsbréf,þar sem sagði einkar kuldalega,þið neydduð mig út í þetta.Það er nú ljóst að hann náði að hleypa af 175 skotum,

Verð að segja að Vestfjarðaúrræðin valda mér vonbrigðum.80 ríkisjötustörf,hraða vegaframkvæmdum og bæta fjarskipti.Líkist fremur einhverju kosningasnuði,en alvarlegri tilraun til að renna stoðum undir uppbyggingu atvinnulífs og framtíðarbyggðar.Kannski var þetta bara fljóthugsað til að redda Einurunum og Sturlu fram yfir kosningar.

Ég hefði haldið að lánafyrirgreiðsla til kvótakaupa hefði verið eðlilegri leið og ég meina lán,en ekki styrk. Það eru stöðugar fréttir frá öðrum byggðalögum t.d.Vestmannaeyjum þar sem stórhuga fólk er að kaupa skip og kvóta.Afurðaverð og að vísu verð á aflaheimildum er í sögulegu hámarki.Við vitum að heimamenn í Bolungarvík hafa bætt verulega við aflaheimildir,kannski ekkert á borð við það sem gula Guggann fór með að heiman.

Ég skynja að í heimabæ hæstvirts sjávarútvegsráðherra snúist lífsgæðahjólið hraðar en á mörgum öðrum stöðum vestra,því þar hafi menn kosið að hjálpa sér sjálfir. Í uppsiglingu kann að vera stóriðja í mótttöku þýskra sjóstangaveiðimanna og kannski í framhaldi af því frá öðrum sjávarhéruðum Evrópu.Hugsanlega býður ekkert land í heiminum upp á aðra eins möguleika til sjóstangaveiði og Ísland.Kannski getur hafið í kringum landið orðið sportveiðimönnum álíka gersemi og íslensku laxveiðiárnar. Allt þetta þarfnast markaðssetningar og uppbyggingu aðstöðu,báta og gistingu.Svo er meira að segja hægt að sameina þetta tvennt með því að fá íslensku skipasmíðastöðvarnar til að hanna sérstaka sjóstangaveiðibáta með flottri gistiatöðu um borð,svona eins og í snekkjum.

Verð að viðurkenna að ég botna ekki almennilega í þessu olíuhreinsunarstöðvarmáli.Er þetta stöð,sem á að kaupa hráolíu og breyta henni í bensín og díselolíu fyrir íslenskan markað,eða á að framleiða olíuvörur til útflutnings.

Svo hef ég líka heyrt af hugmyndum um að virkja vatnið sem fossar út úr Vestfjarðagöngunum til átöppunar og útflutnings.

Svo gætu Vestfirðingar tekið sig saman í andlitinu og búið í haginn fyrir betri mótttökuskilyrði fyrir ferðamenn með uppbyggingu frambærilegrar gistiaðstöðu og heilsulinda.Kannski fengið sjálfa Jónínu Ben til að flytja fólk til Vestfjarða sér til heilsubótar fremur en til Pólands.Ég man eftir því frá því ég var 2 vetur á Núpi í Dýrafirði og togarasjómaður frá Ísafirði, hversu vestfirska sjávarloftið var svo kyngimagnað,að þar veiktist varla nokkur maður og veikist kannski ekki enn.

Við vinkonu mina Ólínu Þorvarðardóttur fyrrum skólameistara og Halldór Halldórsson bæjarstjóra á Ísafirði segi ég bara, kastiði frá ykkur betlistafnum , hann fer ykkur engan veginn og takið til eigin ráða. Hvernig væri til dæmis að fá Jafet Ólafsson sem ráðgjafa við að finna leiðir til að laða fjárfesta vestur á firði.

Hef hvergi séð lista yfir þau veitingaghús,sem stungu vasklækuninni í eigin vasa.Afskaplega einfallt ef það er ekki þegar búið að birta opinberlega lista yfir þessa staði.Fólk getur þá einfaldlega sniðgengið þá. Væntanlega er neytendavitund fólk slík að það lætur ekki svona kújóna hlunfara sig. Við hjá Langárveiðum létum einfaldlega reikna út fyrir okkur kostnaðarlækkun vegna vasksins og lækkuðum matarverð okkar úr 6500 krónum á dag í 5850.Við gerðum það án þess að kanna hvort einhverjir byrgjar hafi hækkað verð á einstökum vörutegundum.

Felmtri slegnir Bandaríkjamenn

Hrafnaþing á þriðjudegi frá Key Largo og Fiskislóð 14.Jón Gunnarsson framkvæmdastjóri og Guðlaugur Þór Þórðarson alþingismaður hjá okkur í dag til að brjóta mál til mergjar.Fjölmennur landsfundur að baki og áhugavert að skoða hver Sjálfstæðisflokkurinn telur vera næstu skref á framfarabraut eftir 16 ára stjórnarforystu.

Hér vestanhafs sitja menn enn einu sinni felmtri slegnir eftir skotárásina við tækniháskóla Virginíu í gær.Enn einu sinni eru fjöldamorð framin af byssumanni,þar sem saklaust fólk er hreinlega líflátið gersamlega tilefnislaust.

Vafalaust verður langt í það að lögregla og fjölmiðlar setji saman heildræna mynd af þessum ógæfusama námsmanni,sem greinilega missti vitið þennan örlagaríka morgun.Það er mönnum hins vegar ofar skilningi hversu marga þessi maður gat drepið eða sært á svo skömmum tíma, 60 manneskjur.

Ég hef verið að fylgjast með viðtölum við sjónarvotta sem lifðu árásina af og það setur hreinlega að mér kaldan hroll. Það er rétt hægt að ímynda sér martraðirnar sem eftirlifandi eiga eftir að þjást af,kannski alla ævi.

Úti í heimi horfa menn til Ameríku og velta fyrir sér hvernig þetta geti gerst.Aðeins nokkrir daga síðan byssumaður í Michiganfylki drap 2 eða 3 samstarfsmenn eftir að hafa verið vikið úr starfi.

Skýringin er vafalaust að hluta til sú að byssumenningin hér í landi á sér ekki hliðstæðu í heiminum.Hér getur næstum hver sem vill farið í næstu búð framvísað hreinu sakarvottorði og keypt sér byssu.Það er ekki lengra en síðan í fyrradag,að ein af stóru sjónvarpsstöðvunum sýndi frétt frá New Orleans. Þar hefur tíðni morða fyrstu 3 mánuði ársins meira en tvöfaldast frá í fyrra úr 21 í 43.

Viðbrögð íbúana,að fara út í búð og vígbúast.Sýnt var viðtal við byssusala,sem gladdist yfir líflegum viðskiptum en hafði jafnframt miklar áhyggjur af því ástandi sem hefur skapast í borginni hálfu öðru ári eftir að fellibylurinn Katarína beinlínis sökkti henni.
Einnig voru sýnd viðtöl við hárgreiðslukonu og kennslukonu sem komin var á eftirlaun.Þær eiga báðar skambyssur og fara reglulega til að æfa sig.

En Bandaríkjamenn eru einnig aldir upp við ljómann af byssumönnum fortíðarinnar,hvort sem þeir hétu Davy Crockett, Buffalo Bill eða Wyatt Earp,að ekki sé talað um Roy Rodgers eða Gene Audrey.Þeir voru allir mennirnir með hvítu hattana,en andstæðingarnir með svarta.

Við sem búum hér í útjaðri Miamiborgar, þar sem fólk af kúbverskum uppruna ræður öllu horfum daglega á kvöldfréttir sjónvarpsstöðvanna,þar sem morð og skotbardagar eru oftar en ekki uppistaðan í fréttatímanum. En ég bjó líka um þriggja ára skeið í Madison Wisconsin í miðvesturríkjunum,þar sem morð voru álíka mörg og á Íslandi.

Ég fullyrði að hinn almenni Bandaríkjamaður er einkar friðsamur.Leggur mikið á sig í vinnu og að sjá fyrir fjölskyldu sinni og er jafn felmtri sleginn og ég og þú,er svona voðaatburðir gerast. Er líka upp til hópa andvígur stríðinu í Írak og öðrum stríðum,alveg eins og ég og þú.

Heim til Íslandsála. Hef verið að velta fyrir mér landsfundum stóru fylkinganna um helgina og leita að snertiflötum og samleið til stjórnarmyndunar að afloknum kosningum. Ætla ekki að vera með miklar fabuleringar um það,en beina málinu til þeirra Guðlaugs Þórs Þórðarsonar alþingismanns og Jóns Gunnarssonar frambjóðaanda Sjálfstæðisflokksins í Kraganum.

Af kjörkassakraftaverkum og afdönkuðum krataráðherrum

Örvænting Samfylkingarinnar fer dagvaxandi og nú þegar Ingibjörg Sólrún er búin að reka Jón Baldvin Hannibalsson frá hirð sinni er annar afdankaður pólitískur fretkarl gamla krataflokksins boðaður á dekk.Jón Sigurðsson,sem einu sinni þáði Seðlabankastjórastöðu sem kratískan bitling, áður en hann fór í skandinavíska kratabitlingaútlegð til Norræna Fjárfestingabankans er fengin til að flytja uppdiktaðan pistil um íslenskt efnahagslíf,sem ekki er í neinum takt við raunveruleikan.Hélt að hann væri vandaðri og heiðarlegri fræðimaður,en svo að hann lét plata sig í svona rugl.Ég segi Pereat Jón Sigurðsson .Jón Sigurðsson hefur greinilega ekki frétt að handbært fé frá rekstri ríkisins í janúar var 19,6 milljarðar og 90 daga hagnaður Kaupþings er áætlaður 25 milljarðar.

Svona uppistönd fyrrum gagnslausra iðnaðarráðherra mun lítt auka veg samfylkingarinnar,sem er á leiðinni að verða af stærðargráðu gamla Alþýðuflokksins Þótt Ingibjörg Sólrún hafi í setningarræðu landsfundar lýst flokknum sem fullmótuðum jafnaðarmannaflokki,sem gæti farið í ríkisstjórn á eigin forsendum. Ó boj. Þegar ég segi gagnlaus meina ég það sem allir vita,að í ráðherratíð Jón Sigurðssonar gerðist ekkert sem menn muna eftir og varla að menn muni eftir að Jón hafi verið ráðherra. Rétt til að fólk ruglist ekki vil ég benda á að þetta er ekki sami ráðherrann og nú situr í iðnaðar og viðskiptaráðuneytinu og er enn að setja sig inn í málin.Það er maðurinn,sem tortímandi Framsóknarflokksins Halldór Ásgrímsson valdi sem útfarastjóra ef marka má síðustu skoðanakannanir,Engin í Reykjavík suður, 1 í NV-kjördæmi.Formaður Framsóknarflokksins hlýtur að liggja andvaka og bíða eftir fylgiskönnun í Reykjavík norður.

Gaman að sjá hvernig Mogginn tekur á þessu ruglplaggi Samfylkingarinnar í leiðara . Byrjar á því að mæra Jón Sigurðsson krata fyrir yfirgripsmikla og vandaða þekkingu.Leiðarahöfundur heldur því meira að segja fram í einhverju stundarbrjálæði að þetta sé svo vönduð úrvalsvinna að það megi ekki sjá að ritið sé pólitískur áróður.
Mér datt sannast sagna í hug að Mogginn væri farinn að undirbúa stjórnarmyndunarviðræður við Alþýðuflokksarm Samfylkingarinnar.En svo til allra hamingju sér leiðarahöfundur að sér og fer að fjalla um ritið sem það pólitíska rugl sem það er. Segir svolítið um kreppu Samfylkingarinnar,að þeir búi ekki yfir meira mannvali á sviði efnahagsmála,að kalla þurfi afdankaða og fyrrum misheppnaða ráðherra til einhverra björgunarstarfa.

En burtséð frá því hugnast mér ágætlega að farið sé að huga í alvöru að samstjórn Samfylkingar og Sjálfstæðisflokks,því ég fæ ekki séð lengur kjörkassakraftaverk Framsóknar. Að það komi helmingi fleiri atkvæði upp úr kössunum en finnast í skoðanakönnunum.

Ekki flá frjálslyndir feitan gölt með Kidda sleggju innanborðs í NV kjördæmi. Hins vegar hlýtur kjördæmisráð Framsóknarflokksins að naga á sér neglurnar,eiginlega upp að olbogum.

Magnús Stefánsson hæstvirtur félagsmálaráðherra og stakur sómamaður hlýtur og að velta fyrir sér hvað eigi til bragðs að taka.Vinur minn og Húnvetningurinn Steinar J. Lúðvíksson var ekki vafa.Framsókn virti að vettugi landbúnaðarhéruðin norðan Holtavörðuheiðar,er leitað var að frambjóðendum.Þar réðu áður ríkjum bændahöfðingjar á borð við Björn á Löngumýri,Pál á Höllustöðum,Jón og Pálma á Akri og Stefán Guðmundsson á Sauðárkróki.Sjálfstæðisflokkurinn kemst upp með og heldur fylgi sínu í kjördæminu með 2 Vestfirðinga og einn úr Stykkishólmi.
Hér á Key Largo er runnin upp enn einn góðviðrisdagurinn,sem ógnar nú lífi og störfum fólks í Suðurhluta Flórída.Vatnsból þessa svæðis, Okeechobeevatn skammt norður af þéttbýlissvæði Fort Lauderdale og Miami er nú einum og hálfum metra lægri en í meðalári og segja kunnugir að jaðri við að lýst verði yfir neyðarástandi.

Stór svæði Evergladesþjóðgarðsins eru bókstaflega skrælnuð og krókodílar hrekjast umvörpum inn í íbúðabyggðir gegnum skurði og síki.Liggur við daglegar fréttir af fólki sem hringir í neyðarlínuna vegna óboðinna gesta.

Sáum í gær mynd af 4 metra flykki,sem hafði hringað sig um piknikborð í Kendallhverfi í hjarta Miami.

Manni finnst hálf ótrúlegt að tala um þurrk,því að í gær myndaðist óvænt hitalægð á Flórídaflóanum og bókstaflega sökkti á 2 klukkustundum öllum helstu umferðaræðum miðborgar Miami.Lá við að fólk sem ætlaði að leika golf í gær þyrfti klofstígvél til að komast af völlunum.

Fréttir vikunnar hér vestra snérust óvenjulítið um stjórnmál og Írak heldur faðerni dóttur Önnu Nichol Smith,brottrekstur útvarps og sjónvarpsmannsins Don Imus og réttarhneykslið við Dukeháskóla.Þar hafði óheiðarlegur saksóknari ákært 3 íþróttamenn fyrir nauðgun og breytt lífi þeirra í logandi helvíti.

Dómsmálaráðherra Karólínufylkis bað þremenningana opinberalega afsökunar í gær og felldi allar ákærur niður.Nifung saksóknarinn umræddi á yfir höfði sér vítur og embættismissi.Verð að segja sjálfur eftir að hafa fylgst með þessu ótrúlega máli í heilt ár,að hann á annað hvort heima á geðveikrahæli eða bak við lás og slá.

Útvarpsmaðurinn Don Imus hjá CBS og sjónvarpsmaður hjá MSNBC er nú atvinnulaus eftir að hafa kallað körfuboltastúlkur Rutgersháskóla þvottakústahausa eða eitthvað í þeim dúr. Þetta flokkast undir kynþáttahatur og þrátt fyrir að Imus hafi í heila viku skriðið á 4 fótum og beðist afsökunar er móðursýkin slík að báðir risarnir CBS og NBC þorðu ekki annað en reka hann enda höfðu allir stærstu auglýsendur fyrirtækjanna kippt að sér höndunum.Gerði mér í raun ekki grein fyrir hve óskaplega viðkvæm bandaríska þjóðin er,er kemur að kynþáttamálum.Skömmin á þrælahaldi forfeðranna og mismunun hvítra manna gagnvart öðrum kynþáttum fram á þennan dag ristir greinilega djúpt í þjóðarsálina.

Imus þarf hins vegar örugglega ekki að kvíða löngu atvinnuleysi,hann er nú orðinn eftirlæti öfgahópa til hægri og mun geta valið úr atvinnutilboðum.

Afi allt bú lúlla,koma leika

Sæl og blessuð frá Fiskislóð 14 og Key Largo, miðvikudaginn 11 apríl 2007. Hæstvirtur félagsmálaráðherra Magnús Stefánsson er viðmælandi okkar í kvöld.Upplyftingartrommari í ráðherraleyfi.
Þeysiferðir um kjördæmið framundan hjá honum næsta mánuð,auk anna í ráðuneyti félagsmála,sem mörg spjót standa á.Hann var norðan Holtavörðuheiðar er við hittum á hann í símanum í gær og á leið upp í Borgarnes,strax að lokinni útsendingu. Við heyrum frá honum hvernig hann hefur það sjálfur, eftir smá aðsvif í sölum Alþingis mitt í önnum þingloka.

Afi situr hér hálf umkomulaus,eftir að Hafsteinn sonur minn,Kristín Berta og Ingvi Hrafn Hafsteinsson lögðu af stað upp á Miamiflugvöll að loknu Páskafríi.Amma fylgdi hópnum til að hjálpa til við innritun og annað slíkt.Nafni minn tók dudduna út úr sér til að gefa afa rembingskoss og ríghélt um hálsinn á mér í kveðjuskyni. Ég veit ekki hvort það er til nokkuð yndislegra í þessu lífi,en að fá tveggja ára snáða upp í til sín á hverjum morgni sem skríður í hálskot og hvíslar, afi allt bú lúlla koma að leika. Og afi nuddar stírurnar úr augunum og fer í keppni við ömmu um að fá að knúsa augasteinin. Svo er byrjað á því að klifra upp á höfðagaflinn og hoppa og hoppa og hoppa hoppa.En afi og amma klappa saman lófunum af hrifningu og váva og áa.
Talandi um Páskafrí,ég skil ekki hvernig heil þjóð getur eiginlega lokað sína efnahags og viðskiptalífi að mestu í 5 sólarhringa. Hér í vesturheimi fara þessi hátíðahöld framhjá hinum almenna borgara og allt gengur sinn vanagang. Svo bresta á okkar heima sumardagurinn fyrsti,uppstigningardagur og annar í Hvítasunnu. Allt eru þetta leyfar eldgamalla siða er kirkjan réði lögum og lofum í landinu.Ég minnist þess með hálfgerðri skelfingu er ég var að alast upp krakki að föstudagurinn langi var heil martröð, það mátti bókstaflega ekkert gera.Maður var klæddur í sitt fínasta puss og eiginlega látinn sitja allan daginn í einhverjum drunga. Voru foreldrar mínir ekki einu sinni Guðhrætt fólk.Nóg um það,

Takið eftir því sem ég segi,þið sáuð í gær fyrstu hreyfingar í átt til sameiningar nýja Sparisjóðsins hans Jóns Þorsteins í Nóatúni,sem heitir Byr við Glitni. Jón Þorsteinn þessi hægi og prúði Nóatúnssonur er dílagerðarmaður í fremstu röð. Tók Sparisjóð Hafnarfjarðar í nefið og sameinaði Sparisjóði vélstjóra og allir hans menn græddu í leiðinni fullt rassgat af peningum. Vinnur með strákunum Gunnari og Gylfa í Bygg og saman eru þeir orðnir úrvaldsdeildarlið.Ég held að það líði ekki langur tími þar til menn byrja að sjá samkrull í einhverri mynd. Kæmi mér ekki á óvart þótt fleiri sparisjóðum yrði boðið upp í dans í leiðinni,enda liggja þar bundin gríðarleg verðmæti sem óleyst eru úr læðingi.

Ég sé það að Steingrímur J lofar bótaþegum landsins 12 milljörðum úr ríkiskasanum komist hann til valda
Og það sem meira er,kjósendur kaupa svonam rugl.

Eiga fátækir að fá fúlgur úr ríkissjóði?

Sæl og bless.Velkomin á Hrafnaþing, þriðjudaginn 10 apríl.Við sendum að vanda út frá Fiskislóð 14 og Key Largo á rás 18 á Breiðbandi og adsl kerfi Símans.

32 dagar í kosningar og það fer hálfgerður hrollur um mig bara við tilhugsunina um greinaflóðið sem bíður okkar.En þessar kosningar verða gríðarlega mikilvægar,vegna þess að við kjósum first og fremst um það hvernig við viljum verja þjóðarauðnum.Hvernig við viljum nýta landsins gagn og nauðsynjar til að tryggja áframhaldandi velsæld.
Við byrjum kosningaumfjöllunina með þeim Jóni Kristni Snæhólm aðstoðarmanni borgarstjóra og Guðlaugi Þór Þórðarsyni stjórnarformanni Orkuveitu Reykjavíkur.

Mér er hugsað til föður míns heitins Jóns Sigrtyggssonar tannlækningaprósessors því að í dag eru liðin 99 ár frá fæðingardegi hans.Mér er líka hugsað til bókarinnar Virkir Dagar,eftir Guðmund Hagalín,sem lýsir lífinu við Eyjafjörð á þeim tímum,sem faðir minn var að alast upp á Hjalteyri og Akureyri.Þetta voru hálfgerðir molbúatímar og það er í raun óskiljanlegt að íslenska þjóðin með sínar 300 þúsund hræður, skuli í dag státa af hlutfallslega bestu lífskjörum á Vesturlöndum.

Við sitjum oft á spjalli við bandaríska vini okkar yfir málsverði eða kvöldkaffi og reynum að skýra út fyrir þeim íslenska undrið.Sumir þeirra eru búnir að koma til Íslands og heimsækja okkur, spila golf á miðnætti eða renna fyrir fisk.Hafa jafnvel farið hringinn um landið.Skilja ekki hvernig svo fáir geta gert svo margt, við slík skilyrði að jafnvel þegar sólargangur er lengstur þurfa menn að vera í peysum eða úlpum.

Hvernig er það í ósköpunum,þegar myrkrið og kuldinn ræður ríkjum,spyrja þeir og fer hrollur um þá.Maður brosir bara og ypptir öxlum,þetta er bara svona.Römm er sú taug og bendum á kunningjafólk okkar hér,sem á sjötugsaldri hafði aldrei farið út fyrir fylkismörk Flórída.

Kannski er engin einhlít skýring til á íslenska góðærinu.Þetta varð bara svona eftir að Ísland var hernumið rétt um það bil,sem ég fæddist.Síðan þá hefur velsældarhjólið snúist,mismunandi hratt og þá helst hökt er vinstri öfl voru við völd og náðu aldrei tökum á efnahagsmálum. Ef til vill var raunveruleg skýring á klúðri þeirra,að þeir voru við völd á óheppilegum tímum,en líklegri skýring,að þeir náðu aldrei samstöðu um aðgerðir sem dugðu.Létu í staðin vaða á súðum,þetta hlyti að reddast.Það kom svo oftast í hlut Sjálfstæðisflokksins að redda hlutunum,oft með sársaukafullum aðgerðum,sem vinstri menn vissu að þurfti að framkvæma,skorti til þess pólitískan vilja og samstöðu.

Getur verið að á þessu hafi engin breyting orðið.Getur verið að ríkisstjórn með aðild Samfylkingar og Vinstri grænna myndi kerfisbundið leggja til atlögu gegn undirstöðum íslenska hagkerfisins.Hvað á fólk að halda sem horfði á leiðtogafund í sjónvarpssal.Var ekki einfaldlega boðið upp á rústun skandinaviska velferðarkerfisins sem svo margir mæra.60 prósent hækkun skattleysismarka og afnám tekjutengingarkerfisins að mestu. Kerfi sem í raun allir stjórnmálaflokkar landsins hafa átt þátt í að byggja upp,til þess að jafna lífskjör og tryggja minnimáttar mannsæmandi kjör.Kerfi sem verkalýðshreyfingin hefur gegnum áratugi stimplað með velþóknun skref fyrir skref.

Það eiginlega hálf brjálæðisleg tilhugsun að það sé til fólk í þessu landi,sem heldur að það geti keypt sér atkvæði með svona rugl loforðum.

Auðvitað er flott hjá verkalýðsleiðtoganum Ögmundi Jónassyni að koma fram í auglýsingu þar sem segir bætum kjörin útrýmum fátækt. Þetta vilja allir gera.Spurning snýst bara um leiðirnar. Eiga þeir em nú eru fátækir að fá fúlgur úr ríkissjóði til að þeir verði ekki fátækir lengur.Hvaða rugl er þetta.
Það er því miður á Íslandi eins og erlendis, hópar af afætum og drullusokkum,sem hafa þá iðju eina að plokka fé af samborgurum sínum.Það eru hópar fólks,sem gera út á velferðarkerfið okkar, ljúga upp á sig örorku,leika á lækna og aðra fræðinga og hringir svo látlaust inn í símatíma útvarpsstöðvanna og kvartar með hásri reykinga og áfengisrödd yfir lágum bótum.

Auðvitað eru þetta öfgadæmi.En hvers vegna eru þeir fátækir,? hverjir eru í raun og veru fátækir ?Eru það einstæðu mæðurnar sem flosnuðu upp úr skóla og vinna á kössum í Bónus á taxtalaunum verkalýðshreyfingarnnar? Eru það framhaldskóla eða háskólanemar,sem eru að búa sig undir framtíðina. Er það fólk sem misst hefur heilsuna?,eða eru þetta aldraðir,sem fóru á mis við lífeyrissjóðakerfið.
Vinur minn Stefán Ólafsson professor er búin að leggja mannáravinnu í að greina fáatæk á Íslandi. Starfsbróðir hans Hannes Hólmsteinn Gizurason hefur lagt önnur mannár í að finna holur í röksemdafærslu Stefáns.Eftir situr fólk og er engu nær vegna þess að útskýringar þessara mætu manna og línurit eru svo flókin,að það skilur þær enginn.

Það er fátækt á Íslandi og verður því miður alltaf,en væntanlega minni en nokkurs staðar í heimi.Velferðarkerfið okkar sem hefur úr milljarðatugum að spila á að vera og er öryggisnet samborgaranna,sem leggja hluta af tekjum sínum til að tryggja hag þeirra sem minna mega sín.Það er svo sáttin milli þeirra sem ræður upphæðinni hverju sinni.er þetta það sem kosningarnar snúast um.

Skraufþurrkur í Flórída

Sæl og blessuð frá Fiskislóð 14 og Key Largo. Hæstvirtur landbúnaðarráðherra Guðni Ágústsson .Hefur stýrt þessum málaflokki forfeðra sinna rétt um átta ár,harðari en nokkru sinni fyrr í að verja hagsmuni bænda og búaliða,sem hann segir þjóðina hafa gert samkomulag við um að taka að sér að framleiða heimsins bestu afurði úr mjólk og kjöti,að ekki sé talað um fiðurfé og grænmeti.

Þeir sem þykjast andsnúnir íslenskum landbúnaði og milljarðsgreiðslu úr ríkissjóði á mánuði til hans kunna engin ráð önnur en óheftan innflutning frá stórþjóðum,sem greiða niður framleiðslu búvara með upphæð sem er margfölld fjárlög íslenska ríkisin%u2019.

Guðni Ágústsson hæstvirtur landbúnaðarráðherrra fyrirr hönd ríkistjórnar Íslands er nýbúin að gera nýjan langtímasamning við sauðfjárbændur.Hann fékk samþykkt fyrir þremur árum lög frá Alþingi sem sögð eru undanskilja landbúnað frá samkeppnislögum.Því heldur Ólafur Magnússon framkvæmdastjóri Mjólku allavega fram. Guðbrandur Sigurðsson forstjóri sameinaðs fyrirtækis 700 mjólkurframleiðenda segist nú vilja þessi lög úr gildi felld.Ríkisstjórnin segist verða að hlýta reglum Evrópusambandsins og endurreisa tolla á grænmeti frá löndum utan sambandsins.Svik við loforð um lækkun matvælaverðs hrópar stjórnarandstaðan.

Landbúnaðarráðherra segir allar aðgerðir sínar undanfarin ár í raun lið í því að undirbúa íslenskan landbúnað fyrir frjálsan og kannski óheftan innflutning landbúnaðarvara. Af nógu hér að taka að venju.Meira um það á eftir.

Sá að það var Flórídaveður á Austfjörðum í gær,en að páskahret sé í kortunum sem hvössum norðanvindi og frosti um allt land.Hér á hitinn í dag að fara í 30 stig og það er örlítil von um einhverja úrkomu á morgun skírdag.En þannig hljóðar veðurspáin hjá Sólarsiggum sjónvarpsstöðvanna í Miami. Hér hefur nefnilega ekki ringt að ráði síðan í nóvember og liggur við að fólk mæni til himins í von um einhverja vætu.Nú er svo komið að fólki er aðeins heimilað að vökva garða sína eða þvo bílana 2 morgna í viku milli klukkan fjögur og átta.

Annars er ótrúleg gúrkutíð hér vestra og lítið fréttnæmt.Helsta umræðuefni dagsins að Bush forseti er æfur vegna heimsóknar Nancy Pelosis forseta fulltrúadeildar þingsins til Sýrlands,en hún er sögð ætla að færa Assad forseta friðartillögur.Kannski segir þetta meira um forsetastjórnmálin í dag en margt annað að Bandaríkjamenn flokka þjóðir heims og góðu gæjanna og þá slæmu, þær sem má tala við og þær sem ekki má tala við.

Það er þá ekki vitlaust að horfa til fyrstu samskipta Reagans heitins Bandaríkjaforseta við þáverandi Sovétleiðtoga.Hann kallaði Sovétríkin Vonda heimsveldið,Evil empire.Síðan hófust viðræðufundir hans og Gorbasjofs,þar á meðal Höfðafundurinn og fyrir rétt um 20 árum féll Berlínarmúrinn og heimurinn allur varð friðvænlegri um tíma.

Svona gerast sögulegar sættir með reglulegu millibili.Í dag tókust í hendur í fyrsta sinn Ahren Írlandsforseti og mótmælaklerkurinn Ian Paisly.Á N-Írlandi er friður loks að verða að veruleika.Fyrir botni Miðjarðarhafs talar Bush ekki við forseta Sýrlands og Írans,eru flokkaðir sem óvinir og hryðjuverkamenn.

Forseti Írans,sem að vísu virðist stórskrítinn svo ekki sé tekið dýpra í árinni.Ætlar nú að færa Bretum sjóliðana 15 að gjöf eftir að hafa niðurlægt þá endalaust í sjónvarpi og útvarpi.Kannski er ekkert hægt að tala við hann, enda bara leppur múlanna.En allar vonir mankyns byggjast bara á .því að menn tali saman.

Nú er kátt á Húsavík og í Helguvík

Heil og sæl, frá Key Largo og Fiskislóð 14,tveimur aðalstöðvum ÍNN.Nafni minn Yngvi Örn Kristinsson framkvæmdastjóri verðbréfasviðs Landsbankans hér á eftir.Hann var áður m.a.forstöðumaður peningamáladeildar Seðlabanka Íslands og er hiklaust talinn einn fremsti sérfræðingur landsins á sviði efnahags og viðskiptamála.

Það verður ekki séð að úrslitin úr kosningunum í Hafnarfirði á laugardag hafi haft hin minnstu áhrif á gengi krónunnar eða markaðinn almennt.Kannski skiptu þessar kosningar engu máli,annað en það að undirstrika að Íslendingar eru orðnir uppteknari af umhverfismálum en margan grunaði.

Hins vegar fullyrði ég að nú er kátt á Húsavík og Helguvík og möguleikar þeirra hafa stóraukist,en Hafnfirðingar komnir aftast í röðina,sem þeir greinilega vildu með 88 atkvæða mun. Þátttur samfylkingarinnar og Lúðvíks Geirssonar er hraklegur og nauðsynlegt að kjósendur hafi þeað í huga 12. Maí.Nauðsynlegt er líka að fólk geri sér grein fyrir að þessi úrslit gilda í mesta lagi þar til vorið 2010, er ný bæjarstjórn verður kosinn í Hafnarfirði.Þá munu Hafnfirðingar reka Lúðvík Geirsson og kó á dyr og nýr meirihluti með álversstækkunt taka við völdum.

Þannig hafa Hafnfirðingar engar býr brennt að baki sér,aðeins frestað framförum. Telja sig hafa haft efni á því og þannig er lýðræðið.Lýðræðið er hins vegar líka þannig að tvískinnungur og lýðskrum Samfylkingarinnar liggur nú fyrir manna og hunda fótum og jafnvel hundar munu ekki kjósa Samfylkinguna 12. Maí.

Það verður áhugavert að sjá hve langan tíma það tekur Hannes Smárason og Jón Ásgeir Jóhannesson að taka völdin í Glitni og enn meira spennandi að sjá hvert framhaldið verður.Þessir piltar eru þekktir fyrir flest annað en kyrrstöðu og engin spurning að þeir eru með áætlanir langt fram í tímann.

Samt held ég að fæstir geri sér grein fyrir átakapunktum umhverfisverndar og atvinnuuppbyggingar. Held að það sé meira í tísku að vera umhverfissinni,vera svolítið grænn.Fullyrði líka að þekking hins almenna Jóns og Jónu á þessu flókna samspili náttúru og manns ristir fremur grunt.

Þegar þúsundir Íslendinga gengu atvinnulausir í kringum 1995 réttu fulltrúar allra stjórnmálaflokka upp hendur til stuðnings stækkunar álvers. Þá var ástandið hér á landi,4 árum eftir síðustu vinstri stjórn með þeim hætti að hámenntað ungt folk,sem kom heim til starfa, hröklaðist aftur út því að það var ekkert fyrir það að gera.

Vonandi koma slíkir tímar ekki aftur á eyjunni bláu í náinni framtíð,en þeir munu koma aftur,reynslan sýnir okkur það.Þá munu þeir sem greiddu atkvæði með stækkun álversins núa andstæðingum sínum því um nasir.

Sem auðvitað hefur ekkert upp á sig.

Ég held hins vegar að þessu máli sé víðsfjarri lokið.
Alcanmenn verða væntanlega seint gripnir í bólinu með að hafa ekkert velt fyrir sér hvað kostir væru í stöðunni,ef úrslit kosninganna yrðu þeim óhagstæð,

Ég er svolítið hissa á því núna að ekkert skuli minnst á Keilisnes,sem er rétt handan við lækinn og ef ég man rétt var búið að hanna þar og samþykkja fullbúið álver.Gott ef ekki var búið að kaupa undir það land.Ég trúi því að hægt sé með einhverju móti að samnýta Straumsvíkurhöfnina og hægt leggja beinan og breiðan veg á milli. Kannski er þetta allt upp á teikniborðinu,en ég hef allavega ekkert séð um þetta á prenti.

Fjöldaflótti fyrirtækja ?

Hrafnaþing 30 ,mars 2007.

Sæl og blessuð frá Fiskislóð 14 og Key Largo, fréttir vikunnar og sitt af hverju með Guðfinnu Bjarnadóttur fyrrum háskólarektor og Höllu Tómasdóttur framkvæmdastjóra viðskiptaráðs.Þátturinn er sýndur á rás 18 á Breiðbandinu og og Adslkerfi símans kl. 20,á miðnætti, 08 og 14. Það kom fram á morgunverðarfundi viðskiptaráðs í vikunni að 57 prósent íslenskra kvenna eru vinnukonur kerfisins,sem sagt vinna fyrir hið opinbera, ríki eða sveitarfélög.Mér finnst þetta stórmerkilegt á sama tíma og tveir þriðju útskrifaðra stúdenta og háskólaborgara sl 10 ár eru konur.Sonur vinahjóna okkar,sem útskrifaðist úr lögfræði fyrir einum 15 árum sagði okkur að allar konurnar,sem útskrifuðust með honum hefðu farið að vinna hjá ríkinu.Hvers vegna leita íslenskar konur undir pilsfald hins opinbera ?
.

Örlagadagur fyrir Hafnfirðinga og íslenkt samfélag á morgun, þar sem Hafnfirðingar ákveða hvort þeir ætla að kjósa atvinnu út úr bæjarfélaginu og kalla yfir sig óvissu og óöryggi því samfara. Rúmur mánuður þaðan í frá þar til þjóðin kýs um hvort hún vill áframhaldandi sókn til bættra lífskjara,eða hnignun samfara vinstrisinnuðu stjórnarfari. Við spyrjum framkvæmdastjóra viðskiptaráðs hvort hún haldi,að fjöldaflótti fyrirtækja geti brostið á, setjist Ingibjörg Sólrún og Steingrímur J að kjötkötlunum.

Bæði Guðfinna og Halla hafa tekið virkan þátt í eflingu frumkvöðlastarfs hér á landi t.d. með verkefninu auður í krafti kvenna.Hvað segja þær um það sem við hægri menn gagnrýnum harðast hjá vinstri mönnum,að þeir eigi engin úrræði, bara að þetta muni reddast,þótt við höfnum milljarða fjárfestingum fjölþjóðafyrirtækja.Hvar er þessi hátækniiðnaður, þekkingarþjóðfélags sem allir mæna eftir.Er hann ekki á Indlandi í Mombai eða Kalkútta, í Úkraínu eða Aserbæjan, þar sem folk er tilbúið til að vinna fyrir brot af því sem norrænu víkingarnar á eyjunni bláu telja sig þurfa að bera úr býtum.

Ekki að undra þótt viðbrögð við dómsdags efnahagsspá Seðlabankans séu á einn veg.Pólitísk blanda hjá ASÍ,verkalýðsarmi Samfylkingarinnar.Þeir kalla hana hrikalegan dóm eftir efnahagsstefnu ríkisstjórnarinnar og vona að hún rætist ekki. Samtök atvinnulísfsins segja hana innistæðulausa.

Ég velti fyrir mér hvað Davíð Oddssyni gangi til að birta svona pappír.Ég fæ ekki séð að spámenn bankans hafi nokkur rök fært fyrir þessum óskapnaði.Nú er ég ekki að gera lítið úr ágætum starfsmönnum bankans,yfirhagfræðingi hans né öðrum. En þetta kemur fram sama daginn og tilkynnt er að Landsbanka Íslands og Kaupþingi hafi verið falið að undirbúa fjármögnun á nýju álveri Norðuráls í Helguvík upp á 70 milljarða. Þetta kemur fram daginn áður en Hafnfirðingar kjósa um stækkun álvers í Straumsvík. Er verið að misnota nafn og virðingu Seðlabanka Íslands.Ég myndi varla trúa því upp á Davíð Oddsson.En þá veltir maður fyrir sér tilganginum.Er verið að reyna að hræða Hafnfirðinga og þá við hvað. Pólitíkin á sér marga sérstaka farvegi og fyrir svona gamlan stjórnmálafræðing lyktar þetta allt af einhverju,allavega er af þessu óþefur.

Er allt í einu að fatta,að það eru hvergi komnir fram listar hjá Íslandshreyfingu Ómars,þannig að þeir eru greinilega að leita enn að öllu þessu afburðafólki,sem ætlar að ganga til liðs við þá. Ég spyr er nægilegt að halda blaðamannafund og segjast ætla að vera með,í raun með allt á hælunum.Að því er virðist allavega.Samt er þetta nægilegt til að farið sé að spyrja í skoðanakönnunum um eitthvað sem ekki er, kanski verður, kannski ekki. Svona eins og Sumargleðijók hjá Ómari.

Fólk kýs ekki atvinnu burt úr bænum

Hrafnaþing 29. Mars 2007.

Sæl og blessuð frá Fiskislóð 14 og Key Largo. Hæstvirtur landbúnaðarráðherra Guðni Ágústsson átti að vera hjá okkur í gær,en bilun í tækjakosti ÍNN frestar honum fram yfir helgi.Hefur stýrt þessum málaflokki forfeðra sinna rétt um átta ár,harðari en nokkru sinni fyrr í að verja hagsmuni bænda og búaliða,sem hann segir þjóðina hafa gert samkomulag við um að taka að sér að framleiða heimsins bestu afurði úr mjólk og kjöti,að ekki sé talað um fiðurfé og grænmeti.

Í dag Einar Kristinn Guðfinsson, hæstvirtur sjávarutvegsráðherra kl 20 á rás 18 á Breiðbandi og Adslkerfi Símans.Hrafnaþing á leiðinni á Digital Íslands og Vísi .is. Norðvestlenskir kjósendur Bolvíkingsins ganga með betlistaf og hreimta ríkisstörf í staðinn fyrir brottsyntan kvóta,bara af því að Marel lokar útibúi. Mokveiði á miðunum um allt land og framundan úthlutun byggðakvóta. Einhverjir munu í kosningarbaráttunni hrópa kvótasvindl, ókeypis úthlutun náttúruauðæva.stolið frá þjóðinni og eitthvað því um slíkt. Seinheppnasti frambjóðandi samfylkingarinnar minn fyrrum yfirmaður á NFS, fréttamaðurinn frækni Róbert Marshall, skirfar miðopnugrein í moggann um tóm fiskimið, er forsíðan segir feitur og fagur fiskur um allan sjó. O boy. Meira um það hér á eftir

Móðir vinkonu minnar,sem lifir í hárri elli á Hrafnistu í Hafnarfirði kom orðum á einfaldan hátt að kjarna málsins í kosningunum á laugardaginn er hún sagði við dóttur sína,%u201DFólkið getur ekki verið svo galið að ætla að kjósa atvinnuna út úr bænum%u201D.Hún hefur lifað tímanna tvenna.Komið á legg stórum og mannvænlegum barnahópi,séð á eftir eiginmanni og tveimur barnanna. Það var ekki alltaf gefið í Hafnarfirði frekar en annars staðar að allir hefðu vinnu.Þess vegna skilur hún ekki hvernig fólk í alvöru getur verið að hugleiða það að kjósa atvinnuna burtu úr bænum og lífsbjörg hundruða ef ekki þúsunda Hafnfirðinga nú sem og framtíðarkynslóða.

Ég held ekki að Hafnfirðingar séu svo veruleikafirrtir.Allavega vona ég að þeir séu það ekki. Mér finnst hins vegar ömurlegt að horfa á bæjarstjórann Lúðvík Geirsson og Samfylkingarmeirihlutann sýna þann heigulshátt og svik við hagsmuni Hafnafjarðar að láta Ingibjörgu Sólrúnu kúga sig til þagnar og afstöðuleysis. Bæjarstjórnin á einfaldlega að skora á Hafnfirðinga að tryggja áframhaldandi hátt atvinnustig og fjárhagsgrundvöll bæjarfélagsins með því að samþykkja deiliskipulagið.Verði Hafnfirðingar afvegaleiddir í afstöðu sinni til framtíðarinnar af undirförlu og svikulu utanbæjarpakki er næsta víst að þeir munu úthýsa samfylkingunni um ókomna framtíð.Þá er upp kemst um svik.

Kjósendur um allt land munu þá hegna samfylkingunni verðskuldað og gera hana að áhrifalausum smáflokki 12, maí.Hún er auðvitað á hraðri leið með að verða smáflokkur,litla systir klofningsbróðursins.

Sá ekki Kastljósið í fyrrrakvöld en var sagt að vinur minn og veiðifélagi Andri Snær Magnason Draumalandsdósent hefði misst sig og hálf froðufellt í spjalli við Rannveigu Rist.Hún hafi hins vegar verið kúl og flott.Ef þetta er rétt með Andra Snæ,sem ég nú dreg í efa .þá mun það væntanlega vera vísbending um að efnahagshryðjuverkafólk umhverfsissamtaka sé farið að örvænta ,

skynji að Hafnfirðingar ætla ekki að kjósa atvinnu og lífsbjörg út úr bænum.Sú var tíðin að verklýðsfélagið Hlíf í Hafnarfirði átti leiðtoga sem mig minnir að hafi heitið Hermann Guðmundsson,skeleggur ,málefnalegur og fastur fyrir.Íhaldsmaður,sem snérist til vinstri.Ég veit ekki hver stjórnar Hlíf nú,en vona að það sé ekki nádeild frá Samfylkingunni,sem vill hönd dauðans yfir framtíðarhagvöxt eyjunnar bláu.

Velja konur þá sem skaffa ekki?

Heil og sæl á þriðjudagskvöldi frá Fiskislóð 14 og Stórueyju á Flórída. Björn Ingi Hrafnsson borgarfulltrúi og framsóknarmaður pr excellence hér á eftir. Við ætlum að tala um pólitík, Sundabraut,fjölmiðlun og fleira eftir smástund.

Eyjan bláa er fjarlæg þessa stundina með fréttum af umferðaröngþveiti vegna hálku í höfuðborginni og komu lóunnar.Hér er hefðbundin 30 stiga hiti og hafgola. En koma lóunnar hlýtur að ylja landsmönnum um hjartaræturnar þótt hún geri ekki umferðaröngþveitið neitt léttbærara.Enn ein sönnun þess hve óskynsamlegt er með lýðræðiskosningum að fela völdin ósamstæðum stjórnmálaöflum sem standa gegn framförum, bara til að standa gegn þeim.R-lista liðið með Árna Þór Sigurðsson í farabroddi framfarahemla seinkaði mislægum gatnamótum um hálfan mannsaldur.

Það era ð byrja að koma í ljós að fólk er ekki alveg eins galið og ég hef haldið.Fréttablaðið birtir marktæka skoðanakönnun, þar sem velferðarmál eru efst á baugi hjá almenningi, þá efnahagsmál og skattamál og umhverfismálin margumtöluðu eru í 4 sæti. Ætti þá í samræmi við það að vænkast hagur Sjálfstæðisflokks og Framsóknarflokks,sem hafa sl. 12 ár innleitt mesta velsældartímabil þjóðarinnar. Líklega er rétt hjá mér að konur sem í stórum hópum segjast ætla að kjósa VG séu að skrökva.Konur í eðli sína velja sér þá sem þær telja að geti skaffað. Allir vita að Vinstri grænir geta ekkert skaffað, kunna engin úrræði til að skaffa og boða stefnu,sem yrði hreint afturhvarf til atvinnuleysis og hnignunar.

Velti fyrir mér hvort Ingibjörg Sólrún Gísladóttir geri sér grein fyrir hve Evrópumálin,sem hún er enn einu sinni að tönnlast á eru lágt á forgangslista kjósandans.

Las viðtal Agnesar Bragadóttur við Geir Haarde í Morgunblaðinu fyrir helgi af miklum áhuga. Fannst það sannast sagna síst þeirra viðtala sem þegar hafa birst, eiginlega hálfgert drottningarviðtal,þótt hún reyndi klína á hann slappleika í jafnréttismálum.Annað hvort átti Agnes vondan dag,eða forsætisráðherrann er með sín mál í svo góðu lagi,að á honum er vart veikan blett að finna.

Mér fannst vanta krefjandi spurningar um hvernig næsta ríkisstjórn ætti að verja skatttekjum langt umfram áætlanir.Það er allt gott og vel sem búið era ð gera og það er allt gott að segja um að það eigi að hlúa betur að öldruðum og öryrkjum.En þegar tölur sýna að handbært fé frá ríkissjóði í janúar er tæpir 20 milljarðar, er augljóst að hægt er að skila meira fé til almennings með skatta og gjaldalækkunum. Við, almenningur eigum þetta fé.Það olli mér vonbrigðum að formaður Sjálfstæðisflokksins skyldi ekki einfaldlega kveða upp úr um að flokkurinn myndi beita sér fyrir stórfelldum skattalækkunum fengi hann umboð til áframhaldandi stjórnarsetu frá kjósendum.Við erum búin að mestu að greiða niður skuldir ríkisins.Þess vegna eigum við að fá arðin af rekstri þjóðfélagsins beint í vasann.Ef að arðurinn minnkar,þá einfaldlega hækka skattar og gjöld aftur.

Mér fannst líka vanta spurningar um næstu skref í einkavæðingu ríkisþjónustu og frelsisvæðingu atvinulífsins.

Ég hef ekki mikið álit á Sigurði Tómasi Magnússyni sérstökum ríkissaksóknarasaksóknara í Baugsmálinu. Mér hefur fundist hann hafa lotið lágt og viðhaft svipað fúsk og forveri hans Jón H.B.Snorrason.Honum og aðstoðarmönnum hans kann þó að vera mikil vorkun að taka við máli,sem ríkislögreglustjóri og ákæruvaldið höfðu klúðrað með slíkum endemum að engin fordæmi eru fyrir.

Miðað við málflutning hans í dag og gær virðist leikmanninum liggja beint fyrir enn ein frávísun eða sýknun og enn nein áfrýjun til Hæstaréttar og enn nein framlenging á þessum mesta farsa íslenskra dómsögu frá því að ráðamaður var ákærður fyrir kolluskytterí á fyrri hluta síðustu aldar.

Alveg sama hver endanlega niðurstaðan verður,af þessu máli verður alltaf pólitísk skítalykt.Kannski eru allir viðkomandi pólitísku aðilar sárasaklausir,en Gróu á Leiti hefur þá tekist einkar vel upp við iðju sína.

Líklegast hefur í þessi máli verið beygð ein reglugerð eða tvær varðandi meðferð fjár í almenningshlutafélagi.Engir peningar virðast hafa horfið og stórfelldi fjárdrátturinn,sem Jónína Ben ætlaði að skrifa heila bók um og sómapilturinn Jón Gerald bar upp á fyrrum vini sína sýnist í besta falli hugarburður í versta falli vísvitandi upplognar sakir.

Fjögurra ára þrotlaus vinna hæfustu rannsóknarlögreglumanna og endurskoðenda eyjunnar bláu skilar engu. Jón Ásgeir ótrúverðugur og skjaldborg slegið utan um Jón Ásgeir eru einu rökin,sem saksóknara tekst að
kasta á loft til að færa sönnur fyrir máli sínu.Hefnigjarni Flórídabúinn sagður einstaklega trúverðugur og samkvæmur sjálfum sér Þetta er með hreinum ólíkindum. Minnir ótrúlega á forsetalífsýni í bláum polkapunktakjól Moniku Lewinskys.Eina sem kom út úr hundraða milljóna dollara rannsókn Kenneths Starr á meintu fasteignamisferli Clintonhjónanna í Arkansas.

Ekki hefur heyrst minnst á Starr að ráði síðustu 5 ár, enda sagt að repúblíkanar vilji halda honum í felum. Svipuð gætu örlög Jóns H.B. og Sigurðar orðið.Gæti verið áhugavert í framtíðinni að heyra refsiréttarkennara íslensku háskólana skýra þetta mál út fyrir áhugasömum stud.juris.
Lögspekingum framtíðarinnar.

Héðan úr Bushlandi er frekar lítið að frétta.Helst að verið sé að reyna að losna við Gonsales dómsmálaráðherra vegna brottreksturs 8 saksóknara.

Bensínlírinn hérna kostar nú rétt um 45 krónur 87 oktana Guðni Ágústsson hæstvirtur landbúnaðarráðherra á morgun og Einar Kristinn Guðfinsson hæstvirtur sjávarútvegsráðherra á fimmtudag á rás 18 á breiðbandi og adsl kerfi símans. Erum á leið inn á Visir .is og Digital Ísland.