Andskotans Moggarugl!!!! ( hrafnaþing er á visir,is)

Sæl verði í hríðarhraglanda mánuð af sumri. Jafet Ólafsson hér á eftir í reglubundnu yfirliti yfir markaðinn og fjárfestingarmöguleika.Skoðum stöðu Glitnis eftir forstjóraskiptin, vaxtastefnu seðlabankans, hækkanir á mörkuðum.gengismálin og útflutningsatvinnuvegina..Hvað á að gera við milljónina undir koddanum.

 

Svo er fólk að fjasa um heimshlýnun.Við horfðumst í augu ég og Maríuerla á Langárbökkum, er ég var að klára að setja niður kartöflur við Langárbyrgi.Meðan ég brá mér inn til að sækja nýjar birgðir af hæfilega spíruðu útsæði, snjóaði yfir holurnar,sem ég var búinn að gera í  fimmta beð.

 

Ég sver að ég var ekki meira en 3-4 mínútur í burtu.Fuglinn sagði eiginlega við mig,er ég var forviða að sjúga upp í nefið í bláa kuldagallanum,hvernig heldur þú að mér líði við hreiðurgerð.

 

Þetta góðir hálsar er Ísland í dag og þegar ég sá skítakulda hraglanda veðurspá fram yfir Hvítasunnu, ákvað ég að skella mér til London,þar er spáð notalegum 25 gráðum.Þetta er hægt vegna yndislegs fyrirtækis sem heitir Iceland Express og knúði Icelandair til að hverfa frá áthagafjötrastefnu síðustu áratuga.

 

Skynsamleg fargjaldastefna er nefnilega nákvæmlega eins arðbær og skattalækkun og hefur leitt til þess að allar flugvélar,hvort sem er kvölds eða morgna eru meira og minna fullsetnar árið um kring.

 

Nýja stjórnin komin á koppinn,eins og ég sagði við Össur á Hrafnaþingi rétt fyrir kosningar, pís of keik.Ingibjörg og Össur þurftu í þingmannaveislu í gær og létu það því heita til að friða Kristján Má og Jóhönnu Vigdísi,að hlé hefði verið gert á viðræðum..Það hlýtur að þýða bullandi ágreining hrópuðu þau bæði. Hilmar og Sólrún glottu ógurlega,nei,nei,við erum bara að gera þetta samkvæmt okkar eigin hentugleikum.

 

Þetta var nú ekki alveg sanngjarnt af leiðtoganna hálfu,Geir veit sem gamall Moggablaðamaður og þau eru aðeins að rækja skyldur við sína áheyrendur,sem er þjóðin og bíður með öndina í hálsinum.´Eg sagði fyrir helgi, þau eiga að koma út með stutta en hnitmiðað frásögn af viðræðum dagsins. Það þarf engu að ljóstra upp,aðeins segja frá þeim máluim,sem hafa verið upp á borðinu.

 

Voru bara búinn að klára þetta en sögðu engum fyrr en þingmannaviðtölin byrjuðu í morgun.

 

Ég vona að gamli skólafélagi minn Jón Sigurðsson fái gott starf við hæfi, er hann hrökklast burt úr pólitík niðurlægður af kjósendum jafnskjótt og hann kom kallaður til skyldustarfa af tortímandanum Halldóri Ásgrímssyni.Halldór hlýtur að fara með veggjum í  Kóngsins Kaupmannahöfn,enda ekki til hans spursts, lengi lengi lengi.Þýðir lítið fyrir Jón að tala um stórýktar fréttir af andláti sínu. Steingrímur Ólafsson var trúnaðarmaður Halldórs Ásgrímssonar og veit manna best hve hriplek framsóknarskútan er,þegar kemur að kjaftagangi.

 

Viðskiptaheimurinn á Íslandi fagnar nýju viðreisnar,nýsköpunarstjórninni.Morgunblaðið gerir í buxurnar af ótta við að Ingibjörg Sólrún sé að undirbúa stjórnarslit á miðju kjörtímibili til að mynda vinstri stjórn Með Framsókn og Vinstri grænum.

 

Hvílíkt andskotans rugl.

 

Það er við lestur svona Reykjavíkurbréfs að maður skynjar að tími Styrmis Gunnarssonar er löngu kominn.Eins og vangavelturnar um daginn um hugsanlega misbeitingu forsetavalds. Sómakonan Ásta Möller, féll í þá freistni að taka undir þessa dellu og var svo rasskellt af einhverjum að hún át þetta allt ofan í sig fyrir framan myndavélina nokkrum mínútum síðar..Ekki veit ég hver kallaði hana á teppið, kæmi mér ekki á óvart að það hefði verið gamall Moggablaðamaður.

 

Það vekur  ótta minn að tveir  núverandi og fyrrverandi ritstjórar Morgunblaðsins skuli vera  eins og úr sér gegnir síðustu móhíkanar kalda stríðsins.

 

Ég held að aðalverkefni nýju stjórnarinnar verði að setja sér  ný hagstjórnarmarkmið.Ég kann ekki að meta það hversu skynsamleg verðbólgumarkmið Seðlabankans eru. Krónan styrktist um tæpt prósent í dag og nálgast óðum 60 króna dollar á ný.Hlýtur að boða einhvers konar efnahagslega kollsteypu.Flateyri er þá væntanlega bara toppur á ísjaka.Það er alltaf áhugavert að hlusta á Einar Odd, gamla bjargvættinn fjalla um efnahagsmál.

 

Hann segir einfaldlega þetta gengur ekki.Hvernig stendur  þá á því að Kambur stendur svona , er verðmæti sjávarafla fyrstu 90 daga ársins jókst um 20 prósent.Eru eigendur Kambs bara eins og gerist að breyta eignum í reiðufé,þegar verð á kvóta er í sögulegu hámarki.Er eitthvert vit í því hjá Halldóri bæjarstjóra á Ísafirði að reyna að fá almenning til að setja peninga í vonlaust rekstrardæmi. Eiga vestfirðingar að fara að greiða einhvers konar átthagafjötragjald.Olína Þorvarðar segir kjaftakerlingar í hópi útgerðarmanna hafa reiknað Kambsmönnum 2 milljarða króna gróða,hreint í vasa, eftir fjármagnstekjuskatt. Er nema von að mennirnir selji???

 

 

 

Áfallahjálp kaffibandalagsins (Hrafnaþing á visir.is)

 

Jón Kristinn Snæhólm  hér á þriðja degi eftir kosningar er allir standa með öndina í hálsinum yfir því hvað gerist.Í minni bók aðeins tveir kostir,sama stjórn það er að segja ef Framsókn er ekki svo veruleikafirrt að halda að það sé betra að byggja upp flokkinn í eyðimerkurgöngu stjórnarandstöðu en með ráðuneyti og þingnefndaformennsku sér til halds og trausts.Hinn kosturinn Samfylking og Sjálfstæðisflokkur,ef Ingibjörg Sólrún kann almenna kurteisissiði.

 

Aðeins að skjóta því hér inn í pólitíska argaþrasið,að Langárkríurnar komu á sunnudagskvöldi og hófu strax nákvæmlega sama tilhugalífsleikinn og í fyrra. Tveir karlar eða kerlingar að slást um einn á lausu.Yljar manni um hjartaræturnar að sjá þessa vini streyma til landsins hvern á fætur öðrum.

 

 Reyndi við þriðja mann að komast inn að Langavatnsstíflu á sunnudag,en urðum frá að hverfa vegna aurbleytu,rétt norðan við gagnamannakofa fyrrum Álfthreppinga undir hlíðum Rauðkúlu,sem gaus fyrir 3500 árum og breytti farvegi Langár úr Hraundal niður Grenjadal. En meira um það seinna.

 

Formaður Sjálfstæðisflokksins hefur stöðu til þess að vera sallarólegur og taka sér allan þann tíma sem hann þarf til að ganga úr skugga hvert framhaldið verður.

Hins vegar veit hann það manna best að óvissa lengur en fram að helgi er ekki skynsamleg.Annað hvort segir Framsókn við erum til eða við verðum að fara í hvíld og enduruppbyggingu.

 

Kaffibandalagsflokkarnir eru núna í ströngu áfallahjálparprógrammi eftir að hafa fagnað of snemma á kosningavökum á sjónvarpsstöðvunum.Minna helst á partýblöðrur,sem loftið hefur lekið úr eftir nóttina. Sérstaklega eru vinstri grænir illa haldnir,en Ingibjörg Sólrún er með rauðan vinstri vanga eftir kinnhest kjósenda.

 

Hvernig í ósköpunum stendur á því að allir virðast fara eins og heitir grautar í  kringum kött, er kemur að pólitísku afhroði Samfylkingarinnar eftir 8 ára stjórnarandstöðu og meinta sérstaklega harða stjórnarandstöðu eftir að flokkurinn varpaði Össuri Skarphéðinssyni fyrir róða til fullnægja blindum metnaði Ingibjargar Sólrúnar Gísladóttur.

 

 Gerir fólk sér grein fyrir því að Samfylking tapaði langleiðina sömu prósentustigum og framsókn,en bara færri þingmönnum Svo stóðu menn á torgi alla nóttina til að segja að skoðanakannanir hefðu í marslok sýnt 19 prósenta fylgi og því væri þetta stórkostlegur sigur..Hvers slags rugl er þetta eiginlega.Samfylkingin þarf ekki síður en Framsókn að fara í naflaskoðun,hvað klikkaði annað en Ingibjörg?

 

Það var sérstakleg brjóstumkennanlegt er Sigmundur Ernir Rúnarsson og Egill Helgason voru ítrekað að reyna að gera lítið úr hrakförum Samfylkingar.

 

Annars var Stöð tvö mun betri en RÚV sem gengur illa að losa sig við stofnanabraginn,þótt Sigmundur Ernir væri í bland brilliant og æði köflóttur, sérstaklega er fór að líða á nóttina og stjórnmálafræðingurinn Einar Mar fattaði ekki græna glóru,að ljóst var strax upp úr miðri nótt að ríkisstjórnin myndi halda velli.

 

Hann og Kristján Már voru einfaldlega ekki með tölurnar á hreinu því þeim var svo í mun að halda áhorfi, með því að skrökva að fólki að spennan yfir örlögum ríkisstjórnarinnar væri óbærileg.

 

Kjarnaspurning, hversvegna er pólitískt afhroð Samfylkingar leyndó??

 

Einfalt svar,stuðningsmenn frúarinnar mega ekki til þess hugsa að kusk komi á pilsfald hennar.Grundvallar mistök í pólitík,að reyna að breiða yfir mistökin.Formaðurinn þarf að slá í borðið og byrsta sig og spyrja hvar klikkuðum við.

 

Tilgangslausu pólitísku samsulli Ómars Ragnarssonar og Margrétar Sverrisdóttur er lokið með verðskulduðum rassskelli.Þau áttu ekkert erindi og engan boðskap og ég skammast mín hálft í hvoru fyrir framkomu þessa gamala vinar mins,sem hann segir að vísa vera af illri nauðsyn.

 

 Hann var sannarlega maðurinn,sem kveikti ást þjóðarinnar á landinu sínu, og stórbrotinni fegurð þess .En honum urðu á þau grundvallarmistök að reyna að misnota væntumþykju fólksins sér til pólitísks framdráttar.  Hann er í minni bók orðinn karl,sem rembist við straurinn til að hamla gegn nýtingu auðlinda og þannig skerða lífskjör fólksins í landinu.. Hann stendur eins og trúður á torgi og hrópar ekki mér að kenna að ríkisstjórn féll ekki.Ótrúlegt og ömurlegt.

Hversvegna er pólitískt afhroð Samfylkingar leyndó????

Hvernig í ósköpunum stendur á því að allir virðast fara eins og heitir grautar í  kringum kött, er kemur að pólitísku afhroði Samfylkingarinnar eftir 8 ára stjórnarandstöðu og meinta sérstaklega harða stjórnarandstöðu eftir að flokkurinn varpaði Össuri Skarphéðinssyni fyrir róða til  að fullnægja blindum metnaði Ingibjargar Sólrúnar Gísladóttur.

 

 Gerir fólk sér grein fyrir því að Samfylking tapaði langleiðina sömu prósentustigum og Framsókn,en bara færri þingmönnum Svo stóðu menn á torgi alla nóttina til að segja þetta sigur því skoðanakannanir hefðu í marslok sýnt 19 prósenta fylgi.Hvers slags rugl er þetta eiginlega.Samfylkingin þarf ekki síður en Framsókn að fara í naflaskoðun,hvað klikkaði annað en Ingibjörg?

 

Það var sérstakleg brjóstumkennanlegt er Sigmundur Ernir Rúnarsson var ítrekað að reyna að gera lítið úr hrakförum Samfylkingar.Annars var Stöð tvö mun betri en RÚV sem gengur illa að losa sig við stofnanabraginn,þótt Sigmundur Ernir væri  æði köflóttur, sérstaklega er fór að líða á nóttina og stjórnmálafræðingurinn Einar Mar fattaði ekki græna glóru,að ljóst var strax upp úr miðri nótt að ríkisstjórnin myndi halda velli.Hann og Kristján Már voru einfaldlega ekki með tölurnar á hreinu því þeim var svo í mun að halda áhorfi, með því að skrökva að fólki að spennan yfir örlögum ríkisstjórnarinnar væri óbærileg.

 

Kjarnaspurning, hversvegna er pólitískt afhroð Samfylkingar leyndó??

Kúkur gerist !

Sæl og blessuð föstudagur fyrir kosningadag og allt upp í loft og alger óvissa um allt nema það að Eiríkur Hauksson er á leiðinni heim.Gömlu austantjaldríkin vildu ekki Valentínu. Kúkur gerist eins og krakkarnir segja og mæla á enska tungu. Hallur Hallsson og Sigurður G Tómasson á föstudagsvettvangi hér eftir smá stund. Hrafnaþing er á rás 18 og Visir.is

 

.Eiríkur var þjóð sinni til mikils sóma og allt þetta júróvision húllum hæ hefur hefur glatt okkur og skemmt og verið óþrjótandi umræðuefni á kaffistofum og í saumaklúbbum. Sannkalluð sáluhjálpar þerapía meðan sólin var að skríða ofar og austar yfir eyjuna bláu.Örugglega á við margar gleðipillur.

 

Svo treystum við því bara að RÚV leggi ekki árar í bát þannig að tónskáld og textasmiðir geti farið að búa sig undir næstu undanrásir.

 

Ég sé að Jói í Bónus tekur undir áhyggjur mína af hugsanlegum embættismistökum Björns Bjarnasonar.Ég sagði í gær að ég tryði því ekki að Björn myndi skipa embættisafglapanmeistara Íslands Jón H.B.Snorrason  ríkissaksóknara.

 

´Mér hafði ekki dottið til hugar að strika Björn út á morgun,en verð að viðurkenna, að ef ég vissi hundrað prósent,að hann ætlaði að gera þetta, myndi ég að minnsta kosti íhuga að taka áskorun Jóa. En ég trúi því einfaldlega ekki, þetta hlýtur að vera kjaftasaga.Björn endar ekki feril sinn í stjórnmálum með slíkri bommertu.

 

Ég held að kjósendum finnist þeir vera hálfkaffærðir í könnunun og það sé skýringin á því hvernig ríkisstjórnin heldur velli eða fellur frá morgni til kvölds.Skyldi hins vegar lítið í því hvernig Félagsvísindastofnun bætti 300 manns við dagsgamla könnun fyrir stöð 2 og fékk dramtíska niðurstöðu fyrir besta kosningauppistandara íslenskra ljósvakamiðla Sigmund Erni. Hann  greip efnið á loft og afgreiddi svo snyrtilega að þjóðin greip andan á lofti.

 

Þetta gerir kosningarnar og kosningasjónvarp morgundagsins enn meira spennandi,en ég fæ ekki betur séð en Sigmundur Ernir og hans fólk verði með miklu flottari umgjörð,allavega ætla ég að vera með stillt á þau.

 

Rosalega spennandi einkavæðing Aktavis,búlgarskir símagróðapeningar að finna sér farveg á Íslandi.180 milljarðar, hálf íslensku fjárlögin fyrir lítið lyfsalafyrirtæki,ekki einu sinni 10 ára gamalt.

 

 

 

And....... fátæktarvæl

Sæla og bless á fimmtudegi,ekki á morgun heldur hinn verður stóridómur kveðinn upp,lottótölur hádegisins 9-23-4-17-10 og stjórnin heldur velli. Ásta Möller og Sigríður Andersen hér á eftir tvær  úr kvennafansi Sjálfstæðisflokksins sem eiga eftir að setja svip sinn á þingstörfin næstu 4 árin.

 

Mér fannst áhugaverð útfærsla Stöðvar  tvö manna á formannaþættinum í gær, þótt við þekkjum þetta fólk orðið allvel.Ekkert kom á óvart, nema svörin eins og spurningarnar óvenju stutt og beinskeytt,enda tímarammi.

 

Ég er orðinn þreyttur á þessu endalausa andskotans stagli á  stórauknum ójöfnuði,vænrækslu ríkisstjórnarinnar og allsherjar fátæktarvæli vinstri manna.Væli á mestu velsældartímum þjóðarinnar, þegar öryrkjar og aldraðir hafa aldrei í lífinu notið betri kjara.Það skiptir engu máli hversu miklu verður ausið úr gnægtarbrunni samaaflafjár okkar, það verður alltaf eitthvað af fólki sem verður fátækt.

 

Í þjóðfélaginu eru líka alls konar öryggisnet,sem hjálpa þessum samborgurum.Allir sem vilja vinna og geta unnið hafa það gott, þeir sem ekki geta unnið eða nenna ekki að vinna hafa það ekki eins gott.Það hefur það enginn,eða kannski á enginn að þurfa að hafa það skítt.

 

Vinstri menn sameinaðir í ríkisstjórn gætu ekki útrýmt fátækt þótt þeir lofuðu upp á tíu fingur. Þeir gætu heldur ekki útrýmt biðlistum þótt þeir lofuðu upp á 10 fingur, þær gætu heldur ekki útrýmt ójöfnuði þótt þeir lofuðu upp á 10 fingur.

 

Það besta við hinn svokallaða ójöfnuð á Íslandi, er að hann er að stærstum hluta kominn til af því að aflaskipstjórum á landinu hefur fjölgað gríðarlega.Það eru ekki bara Bónusfeðgar,Björgólfsfeðgar Bakkavarabræður Rassmussenfjölskyldan og Samherjarfrændur sem hafa efnast.Það eru þúsundir annarra,sem taka virkan þátt í umbreytingunni og útrásarævintýrinu. Það eru aðrar þúsundir,sem hafa hætt fé sínum og fjöreggi í að fjárfesta í fyrirtækjunum,sem knýja velsældarvélina.

 

Það sem vinstri menn á Íslandi þjást af fyrir þessar kosningar er öfundin og að sjá ofsjónum yfir velgegni annarra. Skyldi enginn vinstri maður eða kona hafa efnast á þessum gósentímum.Er enginn ríkur kommi eða krati.Eru þingmenn vinstri grænna og Samfylkingarinnar bara aumir fastlaunamenn sem engjast sundur og saman af öfund.Hefur enginn þeirra keypt bréf í bönkunum, aktavis,fl.group og exista svo eitthvað sé nefnt og borgað 10 prósent fjármagnstekjuskatt. Er þetta fólk bara farþegar sem svo hrópar af hverju ekki ég, af hverju ekki ég.??

 

Ætli það geti verið mergur málsins.

 

Ég bar virðingu fyrir Guðjóni Arnari Kristjánssyni, er hann var einn aflasælasti togaraskipstjóri landsins.Ég ber svo sem líka virðingu fyrir honum sem stjórnmálamanni,en miklu minni.Hann breyttist úr kallinum í brúnni í vælukarl.Vælir um kvótakerfi,sem hann tók þátt í að byggja upp og hann veit að lagði hornsteininn að Íslands hagsældar Fróni.

 

Íslands hagsældar Fróni því að kvótakerfið varð okkur til slíkrar farsældar, að er sagnfræðingar úr hópi barnabarna okkar leggjast í að brjóta til mergjar upphaf velmegunartímabils aldamótaáranna mun þá reka í rogastans yfir því hve þetta kerfi skapaði gríðarlegan auð á innan við 20 árum.

 

Þeir munu einnig verða agndofa yfir upprisu íslensks efnahagslífs í kjölfar einkavæðingar ríkisbankanna.Einkavæðingar,sem leysti þvílíka orku umbreytinga úr læðingi, er dauðri hönd pólitískrar samtryggingar og skömmtunar var svipt í burtu, að engin fordæmi eru fyrir.

 

Allt þetta skilja vinstri menn ekki almennilega. Þeir skilja ekki af hverju svo margir geta keypt sér eða byggt svo stór hús, keypt sér svo flotta bíla,flogið með einkaþotum eða haldið afmæli með stæl.

 

Þeir skilja ekki af hverju menn og konur,sem afla milljarða tuga fyrir eigendur sína eiga að fá vænan hlut.

 

 Þeir skildu jú í gamla daga er Binni í Gröf,Eddi Gísla,Venni á Grindvíking  Halldór á Maí og Hrólfur á Júpiter borguðu hæst útsvar af því að þeir fiskuðu mest.

 

Þeir skilja ekki að Sigurður og Hreiðar Már,Bjarni Ármanns ,Halldór og Sigurjón,Jón Ásgeir , Jói í Bónus, Pálmi og Jói í Fons,

Björgólfarnir ,Hannes og Þórður Már eru nýju aflakóngarnir og þær þúsundir,sem eru í áhöfnum þeirra eru allir með hlut.

 

Þetta skilja ekki vinstri menn og þess vegna er ekki hægt að treysta þeim í brúnni á þjóðarskútunni.Hvernig er hægt að vera með útgerðarstjóra,sem skilur ekki hvernig áhöfnin beitir veiðarfæri til að fina torfu og koma henni ferskri upp á dekk og svo á markað.

Útgerðarstjóra,sem öfundar svo áhöfnina,að hann leitar leiða til að klekkja á henni, með einhverju móti,stöðva sóknina og leggja skipinu í 5 ár!!! Í 5 ár, Láta ryðga við bryggju í 5 ár.

 

Er þetta það sem fjórir af hverjum 10 Íslendingum vilja kjósa yfir sig. Í guðanna bænum!!!!!!

Of mörg lík í framsóknarlestinni???

 

 

Þrír dagar í kosningar á miðvikudegi og gestur okkar í dag sjálfur Hannes Hólmsteinn Gizurason prófessor og einn af guðfeðrum bláu handarinnar.

 

Ég er ekki mikil aðdáandi DV,kaupi það þó um helgar.því það er bara hellingur að lesa.Sá forsíðu þess í sjoppu í gærkvöldi og það þyrmdi yfir mig af tilhugsuninni um að Björn Bjarnason hafi svo ruglast við svæfinguna á Landsspítalanum á dögunum,að hann ætli samkvæmt áreiðanlegum heimildum DV að skipa Jón H.B Snorrason í embætti ríkissaksóknara.

 

Það er svo hlegið að þessum manni og pískrað í laganna heimi fyrir fordæmalaus embættisklúður að dómsmálaráðherra verður að leita sér andlegrar aðstoðar ef hann lætur eitt andartak hvarfla að sér að skipa hann í þetta mikilvæga embætti. Ekki meira um það, þetta hlýtur að vera kjaftasaga.

 

Hafði gaman að því í þættinum í gær að ég og Bolli Thorodssen vorum eiginlega búnir að mynda stjórn Sjálfstæðisflokks og samfylkingar.Ég hygg að miklu fleiri séu sama sinnis og margir af tvístígandi kjósendum framsóknar ætli að greiða sjálfstæðisflokknum atkvæði, eiginlega til að tryggja að hann þurfi að fara í stjórn með Samfylkingunni.

 

Hvaðan í fjandanum koma allir þessir framsóknarmenn svona á síðustu mínútunni sagði vinur minn í hádeginu er hann sá nýjustu Gallup capacent könnunina, þar sem fylgi framsóknarflokksins hefur tvöfaldast á 48 klukkustundum. Og þingmennirnir orðnir 9 og 24 fyrir sjálfstæðisflokk.Mjög skrítnar en áhugaverðar tölur,sem hljóta að hafa komið eins og þruma úr heiðskíru lofti á stjórnarandstöðuna.

 

Ég hitti gær  fyrrum forystumann í framsókn,sem hefur eiginlega verið í áfallahjálp yfir örlögum flokksins.Var ómyrkur í máli yfir því sem hann kallaði sjálfseyðingarhvöt.Sagði að þegar Siv Friðleifsdóttir hefði komið inn í þingflokkinn fyrir 8 árum hefði fjandinn verið laus æ síðan og allur trúnaður innan flokksins fokið út í veður og vind.

 

Halldór Ásgrímsson hefði misst flokkinn út í agaleysi,sem hefði síðan leitt af sér hverja bommertuna á fætur annarri.Kristinn H .Gunnarsson hefði reynst hreinn skemmdarvargur,sem forystan hefði  átt að geta séð fyrir,en kosið að snúa blindu auga að.Allur Sleggjufarsi framsóknar hefði verið hrein skelfing og menn hefðu ekki bara flotið sofandi að feigðarósi,heldur hreinlega stímað þangað á fullri ferð um hábjartan dag.

 

Ástæðan,skipstjórinn sem var á útkikkinu lét sem ekkert væri.Svo klikkti þetta lið með Siv í farabroddi út með því að hóta stjórnarslitum á síðustu metrum þingsins út af einhverju orðalagi í stjórnarskrá,sem hafði nákvæmlega enga þýðingu.Önnur innanflokksuppákoma að hætti Sivjar,skipan Páls Magnússonar í stjórnarformannsstólinn í Landsvirkjun.

 

Svo sagði þessi fyrrum forystumaður Framsóknar hvernig í ósköpunum getur flokkurinn ætlast til að kjósendur beri traust til hans eftir slíkar endemis uppákomur.

 

Mér varð nú bara hugsað til þess hvað aðrir hugsa ef fyrrum innvígðir  og innmúraðir eru svona gáttaðir.

 

Líklega er komið að kaflaskiptum hjá þessum flokki og beðið eftir nýjum foringja í anda Björns Inga Hrafnssonar til að endurnýja málefnaskrá og fylgisgrundvöll.

 

Líklegast er Geir Haarde búinn að sjá það sama og Davíð sá eftir 4 ár með Alþýðuflokknum,að það eru orðin of mörg lík í lest Framsóknarflokksins og of mikill innanflokkságreiningur til að hægt sé að tryggja áframhaldandi farsælt stjórnarsamstarf.

Eini möguleiki Ingibjargar á ráðherrastóli

Sæl og blessuð það er kominn þriðjudagur 8. maí,4 dagar í kosningar .Bolli Thoroddsen og Jón Kristinn Snæhólm hér á eftir.

 

Lóurnar voru komnar í túnið við Sólvang um helgina og kölluðust á við mig með flauti og díirrindí.

 

Þetta voru greinilega þær því ég fékk að rölta svo nálægt þeim að við horfðumst í augu.

 

Svo sá ég hrossagauk í hringflugi rétt fyrir austan,en engan spóa, jaðrakan né kríu.

 

En það var mikil samstaða og gleði á aðalfundi veiðifélagsins og bændaveislu okkar hjóna á laugardagskvöldi.Við hjón skilum af okkur  meira en 30 ára góðu Langárbúi árið 2009 til vina okkar í Laxi ehf,Gísla Ásgeirssonar,Jón Þórs Júlíussonar og Jóhannesar Kristinssonar félaga þeirra.Miklir sómadrengir og happafengur fyrir Langárbændur.Það skiptir okkur öll gríðarlega miklu máli að ánna annist menn,sem bera mikla virðingu fyrir náttúrunni og öllu umhverfi og umgjörð elvunnar bláu.

 

En aftur að pólitík varla skjálfti í nokkrum manni,nema garminum framsókn. Valgerður Sverrisdóttir segir réttilega,að framsókn hafi ekkert að gera í ríkisstjórn ef kjörkassafylgið verður í samræmi við skoðanakannanir.Það verður eithvað meira, 3-4 af hverjum 10 kjósendum eru óákveðnir og margir þeirra kjósa framsókn.Það breytir hins vegar litlu um þá staðreynd að þjóðin er haldin framsóknarþreytu. Ekki vegna þess að Framsókn hafi ekki gert jafngóða hluti og Sjálfstæðisflokkurinn í að byggja hér upp eitt efnaðasta samfélag í heimi.

 

Þjóðin vildi ekki Halldór Ásgrímsson sem forsætisráðherra.

 

Þjóðin hefur ekki áhuga á Jóni Sigurðssyni,sem Halldór tróð ofan í kok á flokkssystkinum sínum og þjóðinni í leiðinni.

 

Þjóðin hefur ekki áhuga á utanríkisráðherra,sem flytur ræður á Allsherjarþingi sameinuðu þjóðanna tæplega á 4. bekkjar ensku.

 

Þjóðin hefur ekki áhuga á að framsókn troði bitlingarmönnum sínum í stjórnarformennsku í Landsvirkjun.

 

Þjóðin hefur ekki áhuga á biðlistaráðherrum í heilbrigðismálum.

 

Þjóðin hefur kannski ekki áhuga á landbúnaðarráðherra,sem korteri fyrir kosningar gerir enn einn búvörusamning við sauðfjárbændur.

 

Þjóðin hefur ekki áhuga á sjálfsfróandi Byrgisbændum.

 

Þjóðin trúir ekki umhverfisráðherra sínum.

 

Það virðist vera ótrúlega margt,sem þjóðin hefur ekki áhuga á sem framsókn gerir,en klappar Sjálfstæðisflokki fyrir,sem nýtur nú meira fylgis en hann gerði áður en Sverrir Hermanssonar og Guðjón Arnar Kristjánsson klufu sig til Frjálslynda flokksins.

 

Allt þetta staðfestir raunar sterkar en nokkuð annað,að eina raunhæfa stjórnin,sem bjóða á þjóðinni upp á er athafna og velferðarstjórn Sjálfstæðisflokks og Samfylkingar.Gæti eins og ég hef verið að segja ykkur orðið öflugasta framfarastjórn í sögu lýðveldisins.

 

Sjáiði menntamálaboð Samfylkingar,tekur beinlínis undir öll verk Þorgerðar Katrínar Gunnarsdóttur.

 

Samfylkingin mun á næstu dögum vinna sig nær sjálfstæðisflokknum en nokkru sinni áður.

Össur Skarphéðinsson veit hvað klukkan slær og hann hefur sagt Ingibjörgu Sólrúnu það.

 

Ingibjörg Sólrún Gísladóttir horfist í augu við sjálfa sig í speglinum á hverjum morgni sem segir við hana.

 

Þinn eini sjens að verða nokkru sinni ráðherra á ævinni er með Geir Haarde.Mundu það Imba litla, eini sjensinn.

 

Sjaldan hef ég séð vandræðalegri mann en Ólaf Ólafsson fyrrverandi landlækni og leiðtoga aldraðra í gær er stjórnarandstaðan hafði náð að mana hann í slag. Málflutningur hans stóð á svo veikum grunni,að hann trúði sér ekki sjálfur.Engar ríkisstjórnir seinni tíma hafa tekið á málefnum aldraðra af jafnmiklum myndarskap og þær sem sjálfstæðisflokkurinn hefur veitt forystu.En það má gera betur og aldraðir vita að Sjálfstæðismenn í Reykjavík og um allt land munu hafa forystu um það.

 

Kæmi mér ekki á óvart að Sigursteinn Mássson og öryrkjar komi upp á deck í vikunni.Enda er þetta tíminn fyrir þrýstihópa að koma sínum baráttumálum á framfæri og sjá hvort hægt er að

Gráta eitthvað meira út úr pólitíkinni á lokasprettinum.

 

 Líklega ekki.

 

Meginlínurnar eru lagðar og spurningin aðeins hvort fólki tekst að sannfæra Ingibjörgu Sólrúnu og Geir Haarde að þau eigi að mynda stjórn saman.

 

 

Framsóknarharakiri?

Hrafnaþing 27. Apríl 2007.

Sæl á föstudegi frá sólarströnd Key Largo,síðasta útsending Hrafnaþings héðan í bili,verð kominn á Fiskislóð 14 með allt mitt hafurtask eftir helgi. Sigurður G Tómasson og Hallur Hallsson í myndveri til að skoða fréttir vikunnar og önnur mál. Hallur skrifar grein í moggann í dag, ómyrkur í máli að venju. Spyrjum hann hvað Alcanleiðtoginn eigi við með því að segja álverskosningar í Hafnarfirði ekki bindandi.

Ég er allt í einu að byrja að fatta fylgishrun framsóknar í frjálsu falli.Korteri fyrir kosningar bindast formaður og ráðherrar flokksins tryggðarböndum um að ná fram hámarks klúðri í ímyndarmálum.Maður horfir úr fjarlægð eiginlega felmtri sleginn. Siv uppskrúfuð, skjálfandi af heift strunsar framhjá Kristjáni Má Unnarssyni. Jón Sigurðsson formaðurinn fattlausi eins og strákur, gripinn með höndina í kökuboxi og svo hæstvirtur umhverfisráðherra að reyna á torgi að selja ,að menn hafi ekki vitað um útlenska tengdadóttur með sama heimilsfang og ráðherrann og umsókn um ríkisborgararétt. Hvað er eiginlega að gerast.

Gömlum fyrrum gagnslitlum framsóknarþingmanni er vísað úr bitlingastóli Landsvirkjunarformanns þrátt fyrir að hann lýsi yfir einlægri löngun til að þjóna þjóðinni áfram. Í glóðvolgt framsóknarsætið sest einn af erfðaprinsunum,Páll Magnússon.Skýringin formannsins16 dögum fyrir kosningar,ja þetta er nú svona í pólitík að maður kemur í manns stað.

Þið verðið að fyrirgefa mér þótt ég fari í alvöru að mæna til Samfylkingarinnar,sem dansfélaga í ríkisstjórn að loknum kosningum. Það verður áhugavert að heyra skoðun Halls og Sigurðar á þessu máli.

Talandi um að vera felmtri slegin.Sáuð þið fréttina frá Páfagarði yfirverndara barnaníðinga um að rannsóknir sýndu að börn sem dæju óskírð þyrftu ekki endilega að landa í forgarði vítis eins og kaþólikkar hefðu áður haldið fram.

Í hvaða heimi búa þessir hugsjúku úrkynjuðu karlhlunkar,sem mynda skjaldborg um presta,sem áratugum saman stunda þá iðju að þukla á eða nauðga kórdrengjum eða öðrum piltum,sem heittrúaðar mæður trúa þeim fyrir.

Ég veit ekki hvað það segir,að Benedikt páfi hafi verið formaður nefndarinnar,sem komast þessari trúarfræðilegu stórfrétt.Ég segi eins og krataþingmaðurinn forðum er honum ofbauð vælið í kjósendum á hafísárunum, maður gæti göbbað.

Hér vestra þrengir æ meira að Bush forseta. Öldungadeildin hefur nú samþykkt ályktun um tímasetningu heimkvaðningar hersins frá Írak.Bush mun að sjálfsögðu beita neitunarvaldi og ljóst að ekki er tveggja þriðju meirihluti í þinginu til að hnekkja því.En kannanir sýna að stuðningur almennings við forsetann minnkað stöðugt og harðir stuðningsmenn hans,sem ég þekki fórna bara höndum.Hann gerir sér greinilega vel fyrir þessu sjálfur og einhvern veginn eins og allur kraftur sé úr honum.Hann kemur æ oftar fyrir eins og hálf bugaður og sannfæringin,sem hefur fylgt réttlætingu hans á stríðinu hálf innantóm.

Ástandið minnir mig æ meira á námsárin mín í Madison Wisconsin 1967-70,er stúdentar landsins gerðu uppreisn gegn Vietnam stríðinu og þjóðvarðliðar beittu táragasi og jafnvel skotvopnum gegn jafnöldrum sínum.Enn minnast menn með hryllingi þess er stúdentar við fylkisháskólann í Kent féllu í valin fyrir byssukúlum yfirvalda.

Að vísu er munur á ástandinu nú og þá, stúdentar láta sig þetta stríð litlu varða, enda ekki lengur skyldaðir til herþjónustu. Eins og var fyrir 40 árum.Þá flúðu nokkrir af skólabræðrum mínum til Kanada og Svíþjóðar og ég veit að tveir þeirra sem fóru norður yfir landamærin hafa aldrei komið heim aftur þótt löngu sé búið að veita sakaruppgjöf.

Er búið að birta svarta listann yfir þá veitingastaði,sem stálu skattinum af gestum sínum?
Segi þetta vegna yfirlýsingar samtaka ferðaþjónustuaðila,þar sem það er harmað.Þetta er þeim mun illskiljanlegra,að lækkun virðisaukaskatts á matsölu og gistingu er búið að vera helsta baráttumál ferðamannaiðnaðarins í áratugi.Ekkert að gera annað en birta listann.Þá geta allavega Íslendingar sniðgengið skúrkana.

Óska Vilhjálmi borgarstjóra til hamingju með nýju lóðaúthlutunarreglurnar.Ég held að hann sé langt komin með að efna öll kosningalorforðin sem gefin voru fyrir ári.

Ekki skárri kvennakjörin í henni Ameríku

Hrafnaþing 25.apríl 2007.

Heil og sæl á miðvikudegi, hér á eftir sjálfstæðiskonan Guðfinna Bjarnadóttir og samfylkingarkonan Kristrún Heimisdóttir .en samfylkingarkonan Bryndís Ísfold Hlöðversdóttir.forfallaðist á síðustu stundu vegna fjölskylduveikinda. Við ætlum að
Skoða núningspunkta og snertifleti þessara tveggja flokka .

Sé það að vorið er að bresta á ykkur þarna heima og Siggi stormur boðar 20 stiga hita um helgina,er við flytjum Key Largo myndverið heim,ekki leitt að heyra það og sannast þá hið fornkveðna að aftur kemur vor í dal eins og Siglfirðingurinn og síldarsaltandinn Daníel Þórhallsson söng svo fallega.

Mér líst vel á samkomulag við Norðmenn og Dani um samstarf í varnarmálum þótt það þýði svo sem ekki mikið,annað en að við borgum eldsneyti á vígvélar þeirra,er þeir koma upp að Íslandsströndum.Okkar aðal varnarsamningur er eftir sem áður við Bandaríkin og svo okkar NATO-aðild.Ég sé ekki beinlínis þörfina á svona formlegu samkomulagi,en sé heldur ekki að það skemmi neitt. Erum í raun að auka formlega samstarf innan NATO við tvær aðildarþjóðir umfram aðrar.Held ekki að Valgerður Sverrisdóttir tryggi sér nein aukaatkvæði út á þetta eins og rasskellingin með síðustu skoðanakönnun í hennar kjördæmi sýnir

Bandarísku háskólakvennasamtökin birtu athyglisverðar niðurstöður í fyrradag.En könnun samtakanna leiddi í ljós að kynjabundin launamunur hér vestra ári eftir útskrift frá háskóla nemur 20 prósentustigum,en launa kvenna eru þá 80% af launum karla. Munurinn heldur áfram að aukast og 10 árum eftir útskrift eru laun háskólagenginna kvenna aðeins 69% af launum karla í sambærilegum störfum.

Þá kemur einnig fram,að þegar búið er að taka tillit til vinnustundafjölda,starfsvettvangs,barnaeigna og annarra atriða eru engar skýringar á fjórðungi launamunarains. Að auki er niðurstaðan sú að það er ekki virt í launum kvenna að þær eru með heldur hærri einkunnir en karlar við brottför úr háskóla.

Hafði gaman að því í þættinum Boston Legal,sem sýndur var í gærkvöldi og verður væntanlega sýndur á Íslandi á sunnudag notar lögfræðingurinn Alan Shore,sem rök í málflutningi að 57% háskólakandidata hér vestra eru konur.Ég held að sambærileg tala á Íslandi sé 66%. Allt þetta veit Guðfinna Bjarnadóttir betur en flestir aðrir. Hún var að koma frá Ísafirði rétt áðan,þar sem Ólína Þorvarðardóttir fyrrum skólameistari er að vinna að undirbúningi háskólanáms.

Sett að mér hálfgerðan hroll við að sjá að heimilin á Íslandi eru í vaxandi mæli farina ð taka lán í erlendri mynt.Getur verið að fólk haldi það að örkrónan okkar geti haldið áfram að vera einhver ofurmynt á erlendum gjaldeyrismörkuðum.Er fólk búið að gleyma frjálsu falli,er hún fór fyrir nokkrum arum í 115 krónur á örfáum vikum.Þessi skráning nú upp á 64 krónur fyrir hvern dollar er hrein blekking og tálsýn að mínu mati og getur ekki öðru vísi en endað með óhugnanlegu krassi.Íslenska krónan hefur enga burði til að vera ofurmynt og ég held einhvern veginn að yfirstjórn Seðlabankans lifi í heimi,sem á ekkert skylt við raunveruleika.Ein rök fyrir slíkri staðhæfingu eru himin og haf á milli þjóðhagsspádóma bankans og Fjármálaráðuneytisins,sem einfaldlega eiga sér ekki hliðstæðu. Mér datt í hug er ég sá spá Seðlabankans hvort þarna væri á ferðinni brandari frá Davíð Oddssyni.

Ekkiaðdáendaklúbbur Ólafs Ragnars að leggjast í þunglyndi?

Hrafnaþing 24. Apríl 2007.

Heil og sæl frá Key Largo á Flórída.Ármann Kr Ólafsson verðandi alþingismaður og Jón Kristinn Snæhólm aðstoðarmaður borgarstjóra viðmælendur dagsins.Tæpar þrjár vikur í kosningar og fylgi Sjálfstæðisflokksins virðist vaxa með viku hverri í flestum kjördæmum. Ótrúlegar tölur frá Vestmannaeyjum 55% fylgi skv. Síðustu könnun.

Sýna ykkur í upphafi aðeins út veðursældina hér á Stórueyju.Þetta er Flóridaflóinn og við horfum í vestur.Bátaskurðinn þessi nefndur eftir einhverjum Marvin B Adams er höggvinn gegnum Kóralinn,en Key Largo er Kóralrif og er aðeins um 600 metra breið nákvæmlega hérna. Og eftir að 600 metra siglingu ertu kominn yfir í Atlantshafið og golfstrauminn,sem lendir við Íslandsstrendur eftir 40 daga.Talandi um Íslandsstrendur, sé ég það á Mbl.is veðrinu að spáð er 16 stiga hita á sunnudag er ég kem heim,nema þarna sé prentvilla.

Ég vorkenni því fólki,sem býður sig fram á forsendum framtíðarsýnar hnignunar,samdráttar og atvinnuleysis.Horfiði á samfylkingarliðið í Reykjanesbæ,sem reyndi að stöðva undirritun viljayfirlýsingar um rannsóknar á orkuöflun til álvers í Helguvík.Horfði á Ómar okkar Ragnarsson,sem nýtur einskis pólitísks fylgis,þótt þjóðin elski hann . Hann hamast og hamast,rembist eins og karlinn við straurinn að stöðva framfarir og áframhaldandi velsæld.Kann engin úrræði sjálfur.

Fólkið í landinu sér þegar líður að ögurstund,að eftir 16 ára stjórnarforystu hræðir upplausn og innbyrðis rígur stjórnarandstöðunnar en stöðugleiki og festa Sjálfstæðisflokksins laðar að sama skapi að. Framsókn mun fljóta með og meirihlutinn mun halda. Væntanlega mun forysta framsóknar sjá að með færri þingmenn þurfa menn að sætta sig við færri ráðherrastóla til þess að geta mannað nefndarforystu.

Sjaldan hefur maður gert jafn rækilega í buxurnar og Jón Baldvin Hannibalsson í Silfri Egils. Engin furða þó Ingibjörg hafi rekið hann af lista.Að fyrrum formaður Alþýðuflokksins kalli menntamálaráðherra ljósku, er svo skemmtilega ruglað að það er vart hægt að vellta sér upp úr því.Hins vegar er þetta sniðugt hjá Agli að fá hann reglulega,því úr verður fréttamatur og tilvísun í þáttinn.Ég vorkenni hins vegar Jóni fyrir að leggjast í svona pólitíska kör og lágkúru til að fróa athyglissýkinni.

Talandi um athyglissýki,hrollur er sagður fara um ekkiaðdáendaklúbb Ólafs Ragnars Grímssonar vegna þess að forsetinn mun hafa falið Guðjóni Friðrikssyni sagnafræðingnum hugprúða að rita ævisögu sína til útgáfu um jólin. Óttast ekkiaðdáendaklúbburinn,að þessi bókaútgáfa sé upphafið að kosningabaráttunni fyrir 2008. Væntanlega á leiðinni risametsölubók,þar sem höfuðáherslupunktur verður án efa skýring og réttlæting á inngripi forsetans í þingræði lýðveldisins.
Meira að segja ég mun kaupa þessa bók.En eins og ég hef sagt við ykkur áður máttum við gera okkur grein fyrir að lífið á Eyjunni bláu yrði aldrei samt eftir að eyjarskeggjar kusu gamla kommúnistaleiðtogann á Bessastaði.

Horfði á Björku á bandarísku spaugstofunni á Laugardagskvöldi,Saturday nite live.Hún brillaraði ef dæmi má mótttökur áhorfenda.Ég dáist mikið að þessari stúlku, þótt tónlist hennar heilli mig sjaldan.Hún er sannkölluð heimstjarna og ég á bandaríska kunningja,sem spurðu mig fyrst af öllu hvort ég þekkti hana og skildu bara ekki,er ég sagðist ekkert vita um hana,annað en það sem þeir hefðu lesið eða séð.

Við hjónin fórum í heimsókn til Key West fyrir helgi með bandarískum vinahjónum. Höfðum ekki komið þarna frá því strákarnir voru litlir. Þessi syðsta borg Bandaríkjanna,sem telur 35 þúsund íbúa er afar sérstök svo ekki sé tekið dýpra í árinni , svona hálfgerð dodgecity þar sem allt er leyft og áreiðanlegt að margir sómakærir landsmenn roðna niðri fót er þeir ganga um hið fræga Duvalstræti er fer að nálgast miðnætti og syndin lævísa og lipra villir og tryllir.
Við borðuðum ævintýralega máltíð á Humarhúsi borgarinnar,þar ég fékk mér m.a. blöndu af humri og sniglum í munnvatnsfossandi hvítlaukssmjöri.
Við fórum síðan á röltið og litum inn á 5-6 bari,þar sem dúndrandi og seiðandi eyjatónlist sveigði og beygði viðstadda,en hápunkturinn var heimsókn upp á þriðjuhæð á bar,sem ég man ekki fyrir mitt litla líf hvað heitir,þar sem gestir eru hvattir til að fara úr hverri einustu spjör og skella sér á dansgólfið.
Við höfðum nú ekki úthald til að bíða svo lengi,en allavega var eitt par bráðuhuggulegt komið á Evu og Adamsklæði,margir komnir úr að ofan og fleiri í stellingum.Ég ráðlegg öllum,sem koma til suður Flórída að keyra þarna niður eftir og gista eina nótt.Þetta er um 200 km frá miðborg Miami og er þú stendur á ströndinni er skilti,sem segir 90 mílur til Kúbu.

Leigubílstjóri sem ók okkur sagði okkur að þegar Fellibyjirnir Rita,Katarina og Wilma gengu yfir haustð 2005 hefði borgin meiri og minna verið undir sjó og 7000 bílar eyðilögðust í Key West einni.Heimshlýnunin mun að ábreyttu, breyta Key west í sker,sem hverfur og kemur upp úr á flóði og fjöru.Ekki seinna vænna en drífa sig.