Íslandshreyfingin húmbúgg?

Sæl og blessuð frá Key Largo. Fötudagur 23 mars. Sigurður G Tómasson og Jóhann Hauksson tveir af máttarstólpum útvarps sögu fm 994 hér á eftir til að skoða viðburði vikunnar og önnur viðfangsefni.Tveir af reyndustu fréttahaukum eyjunnar bláu. Fylgi flokkanna heldur áfram að sveiflast en vinstri grænir og þeirra hagvaxtarbremsustefna njóta áfram fylgis nær þriðjungs velsældarþjóðarinnar miklu.Að mati Hrafnaþingsstjóranda er fólk annað hvort farið að kríta liðugt , eða gengið af göflunum.

Átti stefnumót við Tiger Woods seinnipartinn í dag á Doralgolfvellinum upp í Miami,þar sem hann leikur ásamt öllum bestu golfurum heims.Var heppin heppinn og sá með eigin augum fádæma snilli hans.Honum gekk ekkert sérlega vel í gær og var 4 höggum á eftir fyrstu mönnum.Það segir hins vegar ekkert þegar Tiger er annarsvegar og er annarri umferð lauk var hann með tveggja högga forystu eftir six fugla hring.Ég sat á fremsta bekk á áhorfendapöllum á 18. holu og sá hann í snertifjarlægð um stund er hann bein eftir að félagarnir Immelman og Allenby púttuðu.Þegar hann setti 3 metra pútt ofan í til að tryggja 66 högga hring stóð allur skarinn á fætur og hrópaði af hrifningu.

Nennti ekki að lesa fréttablaðið á netinu í gær og sá ekki kjaftaklausuna,sem Davíð Oddsson er að skammast yfir í dag.Svolítið merkilegt að fyrrum formaður sjálfstæðisflokksins skuli ritstýra róburði um annan fyrrverandi formann.Merkilegt þar til að maður rifjar upp hver felldi hvern á landsfundi flokksins 90 eða 91.En kannski var Þorsteinn í fríi í fyrradag og vissi ekkert um þennan rógburð.

Hef verið að reyna að átta mig á hversu mikil alvara er á bak við framboð Ómars Ragnarssonar og hvort hann og aðrir forvígismenn vita hvaða fylgi þau sækjast eftir.Kannski er þetta bara húmbúgg og blaðamannafundurinn verkfæri til að koma þeim í skoðanakannanaferli til að sjá hvort það er eitthvað vit að setja milljónir í að gera framboðið úr garði. Ekkert forvígsmannanna á peninga til þess. Hlýtur einhver miðill að gera snarlega skoðanakönnun til að leiða þetta í ljós.Allavega verður capacentkönnunin í næstu viku áhugaverð. Nánar um þetta hér á eftir með Sigurði G og Jóhanni Haukssyni. Þátturinn endursýndur kl 8 á laugardagsmorgni og kl 14.00 á rás 18 á Breiðbandi og Adsl kerfi Símans.

Demókratar hér vestra eru komnir í heilagt stríð við Bush forseta og ætla greinilega, ekki að gefa honum nokkurn grið það sem eftir er kjörtímabils.Þeir fullyrða að þeir séu komnir með atkvæði til að tryggja samþykkt frumvarps um að kalla Bandaríkjaher heim á næsta ári verði menn ekki búnir að vinna stríðið þá.

Vinir mínir hér um slóðir hafa lítinn áhuga á að ræða um stríðið,finnst það svo skelfilegt og orðið fjarlægt stríði gegn hryðjuverkasamtökum.Þeir séu bara flæktir í nýjustu útgáfu af 1350 ára gömlu hatursstríði Sjíta og Sunníta.

Aðalfrétt gærdagsins var um krabbamein Elísabetar Edwards og ákvörðun þeirra hjóna um að maður hennar John,sem var varaforsetaefni Kerrys fyrir tveimur arum,myndi halda áfram baráttunni fyrir tilnefningu demokrataflokksins til forsetaembættisins.Elisabet greindist með brjóstakrabbamein 2004,en læknar greindu í fyrradag að það hefði dreift sér í rifbein og orðið ólæknanlegt 4. stigs mein.Hins vegar væri hægt að beita ýmis konar meðferðum og hún því átt langa lífdaga fyrir höndum.
Þau hjón sögðust ekki sjá tilgang í því að sitja heima og vorkenna hvort öðru.Framboð Johns er hins vegar ekki sérlega vænlegt á þessu stigi málsins,yfirburðir Hillary Clintons í þessari baráttu eru ótvíræðir.

Seint hefði ég trúað því að meðal demokrata árið 2007 stæði valið um forsetaframbjóðanda flokksins milli konu og manns af afrískum/ bandarískum ættum.

Hér á suður Flórída ringdi hundum og köttum í gær, eiginlega í fyrsta skipti síðan við vorum hér í lok nóvember.Vatnsskorturinn var orðinn og er ennþá mjög alvarlegur. Til dæmis er bannað að vökva garða eða þvo bíla nema milli 4 og 8 á morgnanna, þrisvar í viku. Væntanlega hefur rigningin í gær litlu bjargað og spáð er þurru og vindasömu veðri og 28-30 stiga hita svo langt sem augað eygir. Kannski munu draumar Steingríms J. Sigfússonar um stórfelldan vatnsútflutning í stað stóriðju rætast ef þurrkar halda áfram að hrjá folk í sunnanverðum Bandaríkjanna.

Hrafnaþingshrakningar í USA

Heil og sæl frá Key Largo á Flórída, búið að setja upp og tengja studio ÍNN og allar stillingar eiga vera í lagi gegnum óviðjafnnalegt Ichat kerfi Apple. Hrafninn á 24 tommu I mac tölvu sem vinir Ínn hjá apple umboðinu góðfúslega lána okkur meðan ég er þeim slóðum sem golfstraumurinn rennur fram hjá 25 gráðu heitur og lendir vestur af Íslandi eftir 40 daga.15 til 20 gráðum kaldari,en nákvæmlega nægilega hlýr til að viðhalda gnægtarbrunni íslensku þjóðarinnar,fiskunum sem þar synda og gera eyjuna bláu byggilega.

Ofurhuginn Ólafur Magnússon framkvæmdastjóri Mjólku hér á eftir.Hann og nokkir bændur hafa sýnt af sér fádæma hugrekki fyrir hönd íslenskra neytenda að voga sér að fara í samkeppni við eitt harðasta einokunarfyrirtæki islands í dag Mjólkursamsöluna. Margir minnast hetjulegrar baráttu hjónanna Þórðar Ásgeirssonar fiskistofustjóra og Guðríðar Thorarensen,sem stofnuðu Baulu og buðu upp á bestu jógúrt Íslandsögunnar í trássi við einokunina.Þau sómahjón enduðu í gjaldþroti meðal annars vegna þess að sómamaðurinn Jóhannes í Bónus neyddist undir ofurþrýstingi að skera hillupláss Baulu niður í lítið og ekki neitt til að fá afslátt hjá risanum.

Mér er ekki illa við Mjólkursamsöluna,sem nú siglir undir forystu nýs forstjóra Guðbrands Sigurðssonar.Þeir framleiða sannarlega heimsgæða vörur og vilja sínum 700 bændum aðeins það besta sem og neytendum eins og fram kemur í hátíðaryfirlýsingu forstjórans í dag.

En þeir eru tímaskekkja nútíma viðskiptahátta frelsis, samkeppni og vöruþróunar og vonandi eigum við svo öflugar eftirlitsstofnanir að Bauluhneykslið endurtaki sig ekki.Og vonandi eru íslenskir neytendur svo skynsamir að þeir skynja að kaup á vörum Mjólku tryggir þeim kannski meiri fjölbreyttni og vöruvöndun en þá órar fyrir .

Meira um það á eftir.

Vil byrja á því að þakka frábærri áhöfn Bostonflugs Icelandair sl. Föstudag.Flugstjórinn Hafsteinn Pálsson og frú Björg Bjarnason fyrsta freyja og allir aðrir í áhöfninni voru lýsandi dæmi um hvílíku afburða starfsfólki þetta fyrirtæki hefur á að skipa.

Við vorum komin í aðflug að Loganflugvelli í Boston eftir óvenju langt 6 klukkustunda og 10 mínútna flug á móti 250 km háloftavindum.Síðasti vetrarstormurinn var að loka öllum flugvöllum á austurströnd Bandaríkjanna og með þeim afleiðingum að um 3500 flugum var aflýst áður en dagurinn var liðinn.

Þegar við héldum að lendingaraðflug væri að hefjast kom Hafsteinn í hátalarann og tilkynnti okkur að Bostonflugvöllur væri lokaður vegna þess að flugbrautirnar væru orðnar eins og skautasvell um leið og sól gekk til viðar.Við þyrftum að landa í Bangor í Maine rétt við kandadísku landamærin,taka eldsneyti og bíða átektar.

Til að gera langa sögu stutta enduðu 160 farþegar og áhöfn í sólarhringsdvöl í þessari heimabyggð rithöfundarins Stephens King þar til klukkan 6 á laugardagskvöldi.Fyrir á flugvellinum var Boeing 747 þota frá Lufthansa og 2 breiðþotur frá Air Lingus,fullar af Írum sem ætluðu á St Patricksdagshátíðahöld í Boston á laugardegi.Samtals um 1200 manns.Flugstöðin er dæmigerð innanlandsstöð fyrir amerískan smábæ. Þarf ég að segja meira.Örþreytt folk, ófrískar konur og smábörn,sem nutu ómetanlegrar aðhlynningar Rauða Krossins í Bangor sem komu með teppi og bedda lágu eins og hráviði um allt . Tvær kaffistofur flughafnarinnar kölluðu allt sitt starfsfólk út á neyðarvaktir og náðu á hreint ótrúlegan hátt að fóðra þennan fjölda.

Við vorum svo heppin að njóta hugkvæmni þriggja stráka sem voru meðal farþega.Einn þeirra hringdi í bróður sinn á Íslandi og bað hann að leita á netinu að lausum hótelherbergjum í Bangor.Skemmst frá því að segja að öll hotel voru troðfull nema Best Western ,þar fundum við síðustu herbergin í heimi og gátum um þrjúleytið lagt þreytt höfuð á kodda.Þúsund manns sváfu á gólfi flugstöðvarinnar.Úti gnauðaði vindur og vart sá út úr augum.Alveg eins og í skelfingarsögu eftir meistara King.

Daginn eftir er Hafsteinn og Björg komu með sitt folk eftir lögboðna áhafnarhvíld fórum við í biðröð til að fá afísun á vængjum og stéli,og biðum í 55 mínútur meðan Luftahansajúmbóin var kláruð sem segir sitt um klakabyrðin.Við lentum Í Boston klukkan 7, 24 tímum á eftir áætlun.Við fréttum það seinna að áhöfnin hefði ekið um úthverfi Bangor fram undir morgun í leit að gististað.Fyrst fann Hafsteinn flugstjóri flugfreyjunum herbergi uns flugmennirnir þrír gátu lagt höfuð á kodda á afdala Stephen King móteli. Hafsteinn sagðist haft á tilfinningunni að eigendur hefðu ekki þvegið þvott lengi lengi.

Gaman að segja frá því í framhjáhlaupi,að Flugumsjón Icelandair á Íslandi taldi ástandið í yfirfullri flugstöð Bangor slíkt að þangað væri engum manni bjóðandi og taldi skynsamlegast að vélinni yrði snúið aftur heim til Íslands,þar sem flugtími nú í meðvindi yrði aðeins þrjár og hálf klukkustund og nægilegt hótelrymi fyrir alla.

En þegar Hafsteinn flugstjóri kynnti þetta fyrir farþegum fóru nokkrir þeirra hreinlega úr límingunum og skapaðist hreint uppreisnarástand. Verstir voru Arabi,Þjóðverji og Indverji og hvílíkur kokteill kúkalabba.Langflestum fannst þessi kostur skynsamlegur þótt tilhugsunin ein væri heldur fráhrindandi.En þarna máttu fáir við margnum og eftir ítrekaðar tilraunir Hafsteins og Bjargar fyrstu freyju, til að tala um fyrir þremenningunum varð Hafsteinn að lýsa sig sigraðan og leggja TF Valdísi við festar flughafnarinnar.

Ég vil sérstaklega hrósa Hafsteini Pálssyni,sem látlaust miðlaði upplýsingum til okkar farþeganna á einkar skýran og traustvekjandi hátt þannig að við vissum allan tímann, stöðuna og valkosti sem í boði voru.Ég myndi ráðleggja stjórnendum Icelandair að fara nákvæmlega yfir ferlið þetta kvöld og nótt til að búa til vinnureglur fyrir áhafnir um viðbrögð þá sjaldan að vetur konungur tekur svo rækilega í taumana.Menn minnast þess ekki að svo mörgum flugum hafi áður verið aflýst á einum sólarhring. Um hálf milljón manna lentu á veðurvergangi fjórum dögum fyrir vorjafndægur. Mér sýnist af veðurfregnum að heiman að leifar þessa óveðurs séu nú að lemja Íslandsstrendur.

Ég ætla ekki að eyða orðum að enn einu framboði lýðveldisins Íslands,sem ekkert nýtt hefur upp á að bjóða annað en einshvers konar smyrsl á laskað sjálfsálit forvígismanna.Ég ætla að skoða málefnaskrá þeirra betur og ræða þetta á morgun með Sigurði G Tómassyni og Jóhanni Haukssyni burðásum Útvarps Sögu FM 994.

Á að troða púðri í rakettur við opin arineld?

 

Góða kvöldið og velkomin á Hrafnaþing fimmtudaginn,sem þingfundum á að ljúka og kosningabaráttan næstu 58 daga fer í algleyming.Við heyrðum sýnishorn í eldhúsdagaumræðum frá alþingi í gærkvöldi, þar sem loforðaðflóðið og tilheyrandi lýðskrum fossaði yfir þá sem kveiktu á gömlu gufunni. 150 þúsunda króna skattleysismörk hundruðir sjúkrarúma og kvótinn gerður upptækur. Guðmundur Hallvarðsson er að ljúka 16 ára farsælum þingmennskuferli,hann verður hér á eftir til að tala um pólitík,samgöngumál,sjómennsku og málefni aldraða,en hann hefur um langt árabil verið í forystusveit Hrafnistumanna.

 

Ég kunni í gærkvöldi sannast sagna best við sannleikann,sem forsætisráðherra boðaði í ræðustóli,að það væri hægt að framlengja framfaraskeiðið um langt árabil,en það væri líka hægt að eyðileggja það og keyra inn stöðun og versnandi lífskjör. Sannast sagna hláleg tilhugsun með tilliti til þess að sennilega hefur staða ríkissjóðs aldrei verið jafn sterki frá stofnun lýðveldsins fyrir 63 árum.Handbært fé ríkissjóðs í janúar nam hvorki meira né minna en 19. 6 milljörðum króna. 12 milljörðum meira en á sama tíma í fyrra, ef ég man tölurnar rétt.Tekjuafgangur ríkissjóðs sl. 2 ár samtals 120 milljarðar króna.

 

Vaxtagjöld ríkisins eru orðin hverfandi, frá því í upphafi hagsældartímbilsins 1991, að þau námu nærri þriðju hverri krónu af vergri þjóðarframleiðslu. Ég er ekki viss um að fólk skilji þetta almennilega og að Árni Mathisen fjármálaráðherra hafi verk að vinna að fara hringinn í kringum landið og skýra stöðuna út fyrir fólki á einfaldan og vafningslausan hátt.

 

 Honum á ekki að verða skotaskuld að leysa slíkt verkefni af hendi með sóma.En það er ekki bara hann,ráðherrar og  þingmenn Sjálfstæðisflokksins  þurfa að skýra málin fyrir háttvirtum kjósendum.Það þurfa allir,sem skilja og njóta ávaxta efnahagsbyltingar síðustu 16 ára að gera það sem í þeirra valdi stendur til að forða þjóðinni frá enn einu hamfaratímabili vinstri afla.

 

Það verður áhugavert að fylgjast með hvernig ungur og ferskur framkvæmdastjóri Sjálfstæðisflokksins Andri Óttarsson tekast á við verkefnið að undirbúa landsfund og í framhaldi að fylgja eftir samþykktum fundarins í baráttunni síðustu vikurnar fyrir kosningar.

Það þarf kjark til að fara í fótspor Kjartans Gunnarssonar og hella sér beint út í eldskírn.

 

Sjálfstæðisflokkurinn er svo undarlegt sem það er í varnarbaráttu,í varnarbaráttu fyrir að hafa leitt þjóðina inn í mestu velferðartíma allra þegna.Fólk hefur það svo gott að það leyfir sér að leika með elda,að setja púður í rekettur við opin arineld.

 

27.7% kjósenda segjast ætla að kjósa vinstri græna sem boða eins og ég kalla það efnahagslega kjarnorkuvá komist þeir nokkurs staðar til áhrifa. Fólk er greinilega tilbúið að fækka bílunum á hlaðinu hjá sér, fækka utanlandsferðum,taka á sig hærri skatta og hlusta á ískrið í bremsunum, er velsældarhjólið hægir snúninginn.

 

Það er alveg rétt, bilið hefur aukist milli ríkra og henna. Jafet Ólafsson sagði á Hrafnaþingi í fyrradag, að líklega væru um 150 einstaklingar milljarðamæringar í reiðufé og um 2000 manns,sem ættu 100 milljónir eða meira. 1996 taldi hann að 150 einstaklingar ættu yfir 100 milljónir.En það er ekki bara á Íslandi,sem kjaramunur hefur aukist,sama sagan er meira og minna um allan heim,Bandaríkjunum, Bretlandi, Þýskalandi, Kína og Indlandi.Ástæðan er hagvöxtur um allan heim, þar sem kínverska efnahagslífið verður æ stærri örlagavaldur.

 

En þótt moldríkum hafi fjölgað mjög hefur allur almenningur fagnað auknum kaupmætti á hverju ári og stjórnvöld hafa veitt milljörðum til bættra kjara til handa þeim sem minna mega sín.

 

 

 

Efnahagslegur kjarnorkuvetur í boði VG

 

Jafet Ólafsson fyrrum framkvæmdastjóri  verðbréfastofunnar VBS fjárfestingabanka kominn aftur á Hrafnaþing. Starfar nú sem ráðgjafi fyrirtækisins og stjórnarmaður. VBS var að sameinast verðbréfastofu sparisjóðanna og  þetta litla snotra fyrirtæki sem Jafet setti á stofn fyrir nokkrum árum er metið á 9 milljarða.Hann hefur því gengið götuna til góðs í íslensku viðskiptalífi og mun reglulega miðla Hrafnaþingsáhorfendum af þekkingu sinni og gefa góð ráð með  hvernig best er að ávaxta milljónina undir koddanum.

 

Ég veit ekki hversu margir horfðu á Silfur Egils á sunnudaginn og urðu vitni að Staliniskri efnahagslegri aftöku  verkalýðsleiðtogans Ögundar Jónassonar á vonum Norðlendinga  um betri lífskjör með jarðvarmanýtingu. Það er auðvitað að segja ef rúmlega 4ði hver Íslendingur verður svo af göflum gengin 12. maí að hann greiði VG atkvæði sitt í kjörklefanum.

 

Húsvíkingurinn knái fékk hreint og klárt svar við spurningunni,ætla Vinstri grænir að leggjast gegn stóriðju á Bakka við Húsavík ,sem yrði knúinn jarðvarmaorku úr héraði. “Já”. Ekkert kannski, ekkert lítum á málin,einfaldlega eitt stórt stopp. Það er vonandi að Húsvíkingar og aðrir hugsandi menn í héraði formanns VG greiði atkvæði í ljósi þessarar skýru yfirlýsingar.

 

 

Og ekki bara þeir, allir kjósendur,sem ekki eru blindaðir af sýndarmennsku og ósannindum talsmanna VG,sem vísvitandi blekkja fólk til fylgis með því að segja að stóriðjustoppi fylgi alls engin efnahagsleg hnignun, þvert á móti,það sé hægt að hafa stórtekjur af því að sýna ferðamönnum kalda eyðisanda og aðrar ferðmýrar.

 

Þið liggur við að fylgisaukning vinstri grænna sé hætt að vera fyndin og allt í einu setji að manni hroll við tilhugsun um að þetta fólk gæti komist til áhrifa í þjóðfélaginu og kallað yfir okkur kjarnorkuvetur í efnahagsmálum.

 

Vestfirðingar hafa gripið til betlistafs. Ég hef stundum sagt það á hrafnaþingi gegnum árin að það megi til sanns vegar færa að Vestfjarðakjálkinn hafi dottið af Íslandskortinu.Einhvern veginn misstu stjórnvöld áhuga á Vestfjörðum eftir að þeir í stórum stíl seldu frá sér björgina og fluttust suður, til Kanarí og Flórída. Nú ákalla þeir sem eftir sitja stjórnvöld korteri fyrir kosningar um einhverja mola af gnægtarborðum.Allt þetta kemur til vegna þess að Marel þarf að hagræða og loka starfsstöðinni á Ísafirði.Allir muna eftir Samherjayfirlýsingunni Guggan verður áfram gul þegar feðgarnar fræknu og fjölskyldur þeirra seldu.Sama máttu menn segja sér að gæti gerst með Marel.

 

Þessi neyðarfundur Ísfirðinga er afar eðlilegur rétt fyrir kosningar og eins eru viðbrögð stjórnmálamanna eðlileg ,allir vilja skoða mál vestfirðinga með opnum huga.Það eru hins vegar engar ölmusulausnir handbærar.Haldiði að ráðherrarnir kjördæmisins báðir tveir, sjávarútvegs og samgöngu væru ekki löngu búnir að opna ríkishirslur ef fyrir því væru einhver fordæmi.Það væri auðvitað hægt að úthluta heimabundnum neyðarkvóta,sem þá yrði væntanlega að taka af einhverjum sem hafa keypt hann.Gengur einfaldlega ekki að gefa slíkt fordæmi.

 

Hvernig getur staðið á því að ekki er hægt að fá fleiri ferðamenn til Vestfjarða.Af þeim langleiðina í hálfa milljón ferðamanna sem búist er við til landsins í ár fara örfá þúsund til Vestfjarða.Vestfirðir ættu að vera skólabókardæmi til að sanna eyðisandatekjukenningu vinstri grænna.Allir þessir endalausu firðir og fjallgarðar, fossar og fjallalækir, mosar og fjallagrös.Heiðarvötn og hindurvitni.Aðekki sé talað um fjallvegina fínu.Af hverju stendur gamall skólabróðir minn frá Núpi Jón Bjarnason fyrrum Hólarektor og borar eiginlega ráðalaus í nefið  á sér eða kannski frekar rífur í skegg sitt og veit ekki sitt rjúkandi ráð annað en segja þetta er allt ríkinu að kenna.

 

 Enn ein sönnunin um málefnagjaldþrot vinstri grænna,sem kunna ekkert annað en vera á móti öllu og öllum.Þeir eru nefnilega í endalausri andófspólitík og niðurrifspólitík.Þess vegna er svo erfitt að skilja að það skuli vera svona margir heimskir íslenskir kjósendur, eða kannski bara svona lygnir er kemur að skoðanakönnunum.

 

Það eru ekki til neinar ölmusulausnir fyrir Vestfirðinga.Þeir sem vilja búa fyrir vestan þurfa einfaldlega að finna upp leiðir til að hafa í sig og á. Það er allt í lagi að veita þangað fjármagni, ef menn finna til þess arðbærar leiðir. Það er meira en sjálfsagt að forgangsraða samgönguframkvæmdum til Veastfjarða.

 

Þar eru sannanlega einhverjir skelfilegustu þjóðvegir landsins og sannkölluð þjóðarskömm.En þeir eru líka sáralítið notaðir því það hafa svo fáir áhuga á að fara vestur eins og tölur sanna.Þar er líka lítið um gistimöguleika utan Ísafjarðar,ef sumarhótel á Núpi er undanskilið.

 

Það þarf því að taka til hendinni fyrir vestan og það eru ýmsir að taka til hendinni, heimamenn og aðfluttir.Til dæmis er von á jafnvel þúsundum þjóðverja til sjóstangaveiði,sem gætu innan tíðar orðið fleiri en stangaveiðimennirnir.Ég las nýlega um auðjöfur í Chile,sem siglir um firði landsins með fluguveiðimenn og tekur 15 þúsund dollara fyrir vikuna.Hvers vegna skyldi ekki vera hægt að veiða á flugu í sjónum eins og ánum.Má bjóða einhverjum stórlúðu á rauðan Frances.

 

Ég talaði áðan um heimska kjósendur,sem ætla í stórum stíl að ganga til liðs við niðurrifsstefnu Vinstri grænna,nema þeir ljúgi í skoðanakönnunum.Ég hallast að því að margir þeirra hljóti að koma úr röðum íslenskra jeppa og vélsleðamanna,sem árið um kring spila rússneska rúlettu með íslensku veðurspánna,sem þeir segja að sé svo óáreiðanleg að það taki ekki að hlusta á stormviðvaranir.En björgunasveitir bjarga jafnt fíflum sem okkur hinum og taka ekkert fyrir annað en rakettupeninga um áramót.

 

 

 

 

Kjaftstopp besservisser

Hrafnaþing 9, mars.

 

Gamlir félagar, Sigurður G Tómasson og Hallgrímur Thorsteinsson hér á eftir um pólitík og fréttir vikunnar.Sigurður G alla morgna á útvarpi Sögu fm 994 milli 9 og 11, Hallgrímur á Visi.is og fréttaþulur Bylgjunnar.

 

Sendum Magnúsi Stefánssyni hæstvirtum félagmálaráðherra baráttukveðjur, traustir vinir verða að hlusta á lækna sína og hlýða þeim. Kirkjugarðarnir eru fullir af fólki,sem hafði hvorki tíma til að fara til lækna hvað þá að hlusta á þá.Magnús veit væntanlega núna að hann átti ekkert erindi niður í þing aftur í gær.Hann á að leggjast inn á spítala og láta rannsaka sig holt og bolt áður en lengra er haldið. Fá vökva og næringu í æð og annað sem þarf til að koma líkamsstarfseminni í rétt horf. Einhver annar getur mælt fyrir frumvarpi til jafnréttislaga.

 

Ég er innilega ósammála stjórnarformanni olíufélagsins Esso og dótturfyrirtækja hvað sem þetta nú allt heitir.Bjarni Benediktsson háttvirtur þingmaður stendur nú í fyrsta sinn frammi fyrir miklum hagsmunaárekstri,sem einn af aðaleigum stórfyrirtækjasamsteypu og fulltrúi fólksins,þar á meðal kvenna í kraganum, hans kjördæmi.

 

Mótmæli hans gegn ákveðnum greinum frumvarpsins,eru dæmigerð fyrir það sem ég er búinn að hamra á frá því Hrafnaþing fór fyrst í loftið fyrir mörgum árum karlar láta ekki valdatól sín af hendi, nema barðir til þess með harðri hendi laganna.

 

 Það liggur við að maður hafi fyllst skelfingu þegar hæstaréttardómarinn fyrrverandi og lagafrömuðurinn  frú Guðrún Erlendisdóttir taldi að með bjartsýni mætti búast við jafnræði í launum karla og kvenna svo undir 2020.

 

Kynjakvóti er það eina,sem dugar, lögbundinn kynjakvóti,ekki eins og framsóknarmenn í tíð Halldórs Ásgrímssonar kölluðu lög flokksins leiðbeinandi en ekki bindandi,er þurfti að henda Siv friðleifsdóttur út úr ríkisstjórninni.

 

Ég skil ekki almennilega þetta stjórnarskrármál sem allt var að fara í loft upp út af, hótanir um stjórnarslit Sivjar gegn breiðsíðu karlafylkingarinnar í framsókn.Ég bara skil ekki málið og ekki skánar það þegar fremur geðillur fyrrum lagaprófessor segir plaggið marklaust.Það sé ekkert til sem þjóðin sem slík eigi.Hvernig stendur þá á hádramatískum næturfundum,stríðfyrirsögnum á forsíðu moggans,ef þetta er allt marklaust.Þeim ber saman um það Haarde og Sigurðssyni að það sé alls ekki meiningin að hrófla á nokkurn hátt við kvótakóngum, heldur ef eitthvað er festa þá í sessi.

 

Ef ég botna ekkert í málinu, landskunnur kaftaskur og besservisser býð ég ekki í Jón og Jónu.

Jón og Jóna svara þessum ruglingi bara með því að skrökva því að capacent gallup að þau ætli að kjósa Steingrím J Sigfússon og öll hans kyntröll. 27.7 prósent, bráðum þriðjungur þjóðarinnar  upp í rúm hjá vinstri grænum.Guð minn almáttugur. Ingibjörg sólrún verður heppin ef henni verður boðið fagráðuneyti í stjórn undir forsæti Steingríms J.

 

 

Ég hlustaði á brot úr rifrildi á alþingi í hádegisfréttum ,kom mér á óvart að Geir Haarde hæstvirtur forsætisráðherra skyldi verða svona reiður og hann virtist vera. Þá hefur stjórnarandstöðunni tekist það ætlunarverk sitt að skemmta skrattanum.Ingibjörg Sólrún er hins vegar greinilega komin frá Kanarí. Einhver benti mér á að það væri ástæða fyrir þessum kanaríeyjaferðum, þar væru fleiri hundruð atkvæði ef ekki þúsundir sálna sem þyrftu aðhlynningu og rétta innrætingu.Guðni  Agústsson er sagður hafa brillerað þar ytra á einhverjum fjölmennasta framboðsfundi síðustu ára.Mér er sagt að það væri umdeilt hvort um hefði verið að ræða alvöru framboðsfund eða uppistand a la Guðni.

 

Mikil lifandis skelingar ósköp skammast ég mín fyrir sleikjuhátt íslensku utanríkisþjónustunnar gagnvart bananalýðveldum heims og öðrum þróunarríkjum til að sníkja atkvæði til setu Íslands í öryggisráði sameinuðu þjóðanna. Þetta eru  leifar af stórmennskutímum Halldórs Ásgrímssonar,sem mokaði glæpsamlegri summu af samaflafé þjóðarinnar í utanríkisþjónustuna samfara því sem þörfin fyrir sendiráð minnkaði nær vikulega með samskiptabyltingunni.

 

 Milljarðar í húskofa í Tókíó og Berlín.

 

Og Valgerðir Sverrisdóttir hæstvirtur utanríkisráðherra,sem er mælandi á erlendri tungu eins og kvennaskólanemi á fyrsta ári gengur erinda þessa fyrrum leiðtoga síns. Ef það er eitthvað eitt atriði sem væri ástæða til að fella þessa ríkisstjórn á, þá er það þessi hundruða milljóna kosningabarátta sem engu skilar nema smyrslum á ego fárvita stjórnmálamanna.

 

 

 

 

 

 

 

 

Stórfrétt afneitar sjálfri sér

Hrafnaþing 8. mars.

 

Sæl og blessuð Hrafnaþing í miðvikudegi  8. mars. Þorarinn Tyrfingsson yfirlæknir á vogi og formaður SÁA hér á eftir.Mér finnst verið að sækja að SÁA þessa dagana, þrengja fjárhag  samtakanna og  dagfarsprúðir þingmenn detta á hausinn í ræðustóli hins háa alþingis eins og Pétur Blöndal á dögunum. Þingmaður sem að vísu býr við sveiflukendan árangur í sjálfsstjórn.

 

Þátturinn í gær með Inga Rútssyni og Jóhönnu Dalkvist vakti mikla athygli, þótt endursýning hans hafi því miður farist fyrir af tæknilegum orsökum,sem búið er að laga og verður hann endursýndur klukkan 9 í kvöld strax á eftir endursýningu þessa þáttar, á rás 18. á Breiðbandi og Adsl kerfi símans.Nú er sól í straumi,sem ætlar að reyna að grafa undan fjárhagslegu sjálfstæði Hafnarfjarðar að senda út sníkjubréf til almennings.Þeir muna væntanlega eftir að senda allavega eitt slíkt upp í Mosfellsbæ, þar sem afdankaðir krataleiðtogar búa.

 

Merkilegt hvernig lúserum tekst einhvern veginn alltaf að plata einhverja með sér í framboð engum til gagns. Sjáiði Margréti Sverrisdóttur, Jakob Frímann og Ómar Ragnarsson sjáiði Arndísi Björnsdóttur og Arnaþór Helgason.Allt ágætis fólk á eyðieyju.Hefur engan nýjan eða skynsamlegan boðskap fram að færa,aðeins skara eld að sinni persónulegu köku í nafni einhvers flokks eða samtaka.

 

Vita í raun að það er ekki græn glóra í því sem þau eru að gera og von um árangur annan en  einhverja umræðu um þau sjálf er hverfandi eða engin.

Sjáiði Frjálslynda flokkinn.Búinn að eiga menn á þingi í bráðum 8 ár, gersamlega áhrifalaus smáflokkur,sem varð til í kringum 2 lúsera.

 

Er möugleiki á að vinstri grænir og sjálfstæðisflokkur eigi meiri samleið en við sjálfskipuðu spekingarnar fabulerum um. Fregnir úr Evrópunefnd davíðs odddsonar,sem nú er að ljúka meira en 3ja ára störfum herma að þar skrifi fulltrúar flokkanna undir sameiginlegt álit þar sem evrópuaðild er hafnað.Jafn brjálað og það sýnist eru stjórnmál í eðli sínu þannig að allir geta verið með öllum ef valdalöngunin er nægilega sterk. Ég man á langri blaðamennskuævi ekki eftir því að staðið hafi í leiðtogum stjórnmálaflokka og stuðningsmanna þeirra,að skýra út fyrir almenningi hvernig það væri í pólitíinni, að menn næðu aldrei fram ítrustu kröfum og yrðu því að slá af.Spurningin er bara um að halda nægilega vel aftur af sér í kosningabaráttu til að loka ekki    hurðum. Svo eru ýmsir ansi lagnir  við að opna harðlæstar hurðir.

 

Samingar um peninga taka oft á sig einkennilegustu myndir.Hún var skemmtileg fréttin í hádeginu á stöð 2 og bylgjunni um erindisbréf prestsins á þjórsárbökkum um kvíða  tilfinningu sóknarbarnanna,sem eiga 5% hlut á móti ríkinu við ánna göróttu.Kvíðin virtist vera einkum vegna þess að búið væri að bjóða út hönnun 3ja rennslisvirkjana í ánni áður en neitt væri komið inn á bankareikninga sóknarbarnanna. Snjallir lögmenn vissu til forna að gott væri að eiga presta að bandamönnum.Það virðast lögmenn nútímans telja enn í fullu gildi. Ég ætla að vona að það hvarfli ekki að nokkrum manni að andleg vanlíðan sóknarbarna Þjórsárpresta eigi nokkurn annan uppruna en bótakvíða.

 

Það gæti verið að hitna í kolunum í kringum Glitni. Hannes Smárason og Fl group og Jón Ásgeir,sem í raun ráða ferðinni eða gætu það allavega í skjóli eignarhluts,velta fyrir sér nýrri flétt. Agnes Bragadóttir fréttir þægilega af þreyfingum og leggur að sjálfsögðu undir forsíðu moggans.Stríðsfrétt,sem endar á því að afneita sjálfri sér, vekur hins vegar upp skemmtilegar vangaveltur á gúrkutímum svona korteri fyrir kosningar.

 

Ég er ósáttur við uppgjörsfréttir frá íslenskri erfðagreiningu. Þar er endalaust talað um tap á rekstri upp á svona og svona  marga milljarða og svo að eigið fé fyrirtækisins sé að verða uppurið.Staðreyndin er sú að erlendis aðilir hafa verið að greiða og halda áfram að greiða risaupphæðir til rannsóknar og þróunarvinnu þessa merka fyrirtækis, vitandi að gríðarlegur hagnaður getur verið handan við hornið,ef rétta talan kemur upp í lyfjaleitar lottói.

 

Íslensk erfðagreining er eitt merkilegasta fyrirtæki sem starfar hér á landi og raunar ótrúlegt að Kári Stefánsson skuli hafa látið sér detta til hugar að koma með þetta ævintýri hingað.Ég er gersamlega sannfærður um að einn góðan veðurdag. Innan 10 ára munu berast  heimsfréttir úr Vatnsmýrinni og hlutabréfin,sem menn hafa notað sem betrekk á veggi heima hjá sér verða að erfðagóssi gulli þyngri.

 

Ég var að lesa í gærkvöldi í nýjasta Time magazin fréttaskýringu um hatur sunita og shíta sem sprengja hvor annan í tuga og hundraða tali í hverri viku í Írak.Stór merki legt grein,sem mogginn ætti að taka og endursegja lesendum sínum. Þetta hatur nær 1350 ár aftur í tíman og hefur ekkert með innrás bandamanna  í landið að gera,annað en að það er notað sem átylla til hryðjuverka.Minnir óneitanlega ´´a trúarbragðastríð í meiri nálægð er mótmælendur og kaþólikkar á n-írlandi stútuðu hvor öðrum þar til fyrir örfáum árum. Skyrrðust meira segja ekki við að sprengja konur og börn í tætlur í þágu málstaðar.Nákvæmlega sama gera villimennirnir í Írak, hefna sín meira að segja með því að draga  eiginkonur, mæður og ömmur óvina sinna út af heimilum þeirra og skjóta  til bana.

 

 

 

 

 

 

 

Fósturlandsins Freyjur til vinstri snúa

Hrafnaþing á þriðjudegi 6. mars.

 

Hagur Hafnarfjarðr hér á eftir, fólkið sem er að berjast gegn niðurrifsöflunum,sem hrópa nú um efnahagslega mengun í baráttu gegn stækkun álversins í traumsvík, er fyrir liggur að engin loftmengun verður af stækkuninni. Ingi B. Rútsson, framkvæmdastjóri hjá Stímir ehf og Jóhanna Fríða Dalkvist, bæði fyrrum starfsmenn í Straumsvík.

 

 Það virðist sem hafnfirðingar séu að vakna við vondan draum eftir að hafa gleypt áróður andstæðinganna hálf hráan. Þeir sem vilja hag bæjarins sem mestan og fjárhagsgrundvöll traustan eru farnir að taka til varnar, gegn gengdarlausum áróðri utanbæjarmanna,sem hafa hafnfirskar strengjabrúður á sínum snærum.

 

Stækkun álvers í Straumsvík er auðvitað ekki einkamál Hafnfirðinga, fólk alls staðar að á landinu starfar þar eða hefur viðskiptaleg tengsl með einum eða öðrum hætti.En nálægðin er Hafnfirðinga einna og þeirra að ákveða deiluskipulag og annað,sem tengist hugsanlegum framkvæmdum.

 

Takið eftir hugsanlegum framkvæmdum.Þegar litið er á heimsviðskipti eiga náttúrlega allir að sjá að samþykkt deiliskipulag þýðir ekki  sjálfkrafa að eigendur alcans ákveði að leggja fram milljarð dollara eða meiri til fjárfestinga á eyjunni bláu. En meira um það á eftir.

 

Komum hjónin frá London með Icelandairvélinna á miðnætti í gærkvöldi er 3 daga dvöl í höfuðborg breska heimsveldisins, sem ógnar nú gömlu nýlenduborginni New York á nær öllum sviðum tölfræðinnar. Þar snýst pólitíkin þessa daga hvorki um stóriðju né þjóðlendur heldur það hvort blair hafi selt hefðartignir fyrir lán innan gæsalappa til verkamannaflokksins og hvort það hafi verið klúður hjá blair að segjast ætla að hætta á þessu ári.

 

.Hann segir sjálfur að það hafi verið klúður.Annars var bresk pólitík að .því er mér fannst þessa fáu daga afar óspennandi og litlaus aldrei þessu vant enda mikil velsæld á þeirri eyju eins og okkar.

 

Langar að segja ykkur frá frábærum veitingastað,sem við löbbuðum fram á af hreinni tilviljun,sem heitir Maze við Grosvenortorg og ber nafn Gordons Ramsey,sem rekur eina 3ja michelin stjörnu veitingastaðin í london  undir eigin nafni.Þessi staður er innangengur frá Mariotthótelinu og býður upp á matargerð,sem er blanda af fransk- asískum hefðum.Það,sem er nástárlegt við þennan stað að hægt er að velja um hefðbundna skammtastærð eða smáskammtrétti.

 

 Við fengum okkur 8 slíka,sem voru kannski 3-4 munnbitar og upplifðum ævintýrilega matarnautn og skoluðum niður með kampavíni. Staðurinn, er afar nýtískulegur,en jafnfram hlýr og notalegur og mannaður frábæru, lipru þjónustufólki.Ég mæli sannarlega með þessum stað og verðlagið að auki afar hagstætt.Engin af réttunum,sem við pöntuðum náði 10 pundum.Ég fæ hreinlega vatn í munninn við tilhugsunina.Staðurinn heitir sem fyrr segir Maze við Grosvenor square, skáhalt á móti ameríska sendiráðinu..

 

Við endum svo helgardvölina á að fara á einn skemmtilegasta golfvöll,sem ég kem á Selsdon Park,sem er í Croydon skógivaxin perla,sem liðast eftir hólum og hæðum. Þar er aldagamalt og vinalegt hótel,sem var upphaflega hertogasetur og manni finnst eignlega, er maður horfir heim að því frá teig á þriðjubraut að maður sé kominn inn í ævintýralega bíómynd frá gömlum dögum og Hrói Höttur muni fyrr en varir geisast út úr skóginum með lögreglustjórann í nottingham á eftir sér. Völlurinn í ótrúlega góðu standi þrátt fyrir endalausar rigningar.

 

En að íslenskri pólitík. Enn einu sinni koma fósturlandsins freyjur okkur á óvart,að vísu sanna þær í leiðinni að konur eru konum verstar með því að yfirgefa stórvinkonu sína og fyrrum eftirlæti Ingibjörgu Sólrúnu í stórum hópum og hoppa uppí hjá Steingrími J Sigfússyni. Og svo eru þessar freyjur allar að fara til vinstri samkvæmt Capacent könnun.

 

Stjórmálafræðingurin í mér er óskaplega forvitinn. Hvernig snúast kvarnirnar í íslenskum konum,sem virðast ætla gerast kommúnistískar á tímum, sem þær, börnin þeirra og fjölskyldur hafa aldrei búið við betri lífskjör í sögu lýðveldisins.Er Steingrímur J svona oboðslega sexí?Eða er Ögmundur Jónasson að verða að plakatstrák Kannski Atli Gíslason trekki svona svakalega.Eða er allt í einu í tísku að verða vinstri grænn.Er Geir Haarde ekki nógu sexí, eða Árni Matt eða hvalveiðimaðurinn Einar Kristinn, að ekki sé minnst á Sturlu Böðvarsson eða yfirbloggarann Björn Bjarnason.Þorgerður Katrín er svo rósin á ráðherralistanum.

 

Valhallarbúar hljóta að vera æði hugsi þótt þeir megi svo sem vera þokkalega sáttir, en þetta setur stórskemtilegan blæ á komandi kosningabaráttu og flokkarnir vita þá allavega hvar á að bera niður í atkvæðaleit.

Að hafa það of gott

 

 

 

Hrafnaþing 2. mars 2007.

 

Sæl og bless Hrafnaþing á föstudegi með gamalkunnum  gestum, Hallur Hallsson og Jón Kristinn Snæhólm ætla að fara yfir fréttir vikunnar og pólitík  eins og okkur einum er lagið.

Hallur sagnfræðinemi við Háskóla Íslands og afkastmikill rithöfundur era ð ljúka við bók um Álverið í straumsvík. Jón Kristinn eins og allir vita aðstoðarmaður borgarstjóra Vilhjálms Þ Vilhjálmssonar.

 

Gat það verið að fyrsti forherti neytendaóvinurinn yrði kaupfélag,á Egilsstöðum í þokkabót, þar sem ál og virkjunarpeningar flæða um hvern krók og kima.Neituðu að skila lækkun vasksins í vasa neytenda ,stungu bara í eigin vasa. Þá náttúrlega göngum við út frá því að Héraðsbúar og nærsveitamenn hafi hætt að versla þar hið snarasta.

 

Það verður áhugavert að fylgjast með hvort stórspurningamanninum Denna tekst að hjartahnoða vísisbloggið  úr dauðadái.Þeir hljóta að vera hundrað sinum fleiri í það minnsta sem blogga á mbl.Að minnsta kosti heimsóttu mitt blogg á fyrsta degi á moggabloggi fleiri en höfðu á vísisbloggi á 6 vikum.Annars er Dennablogg því miður svipur hjá sjón, eftir að hann varð Ritstjóri Íslands í dag. Annars bíð ég á hverjum degi eftir því að einhver stórtíðindi gerist með Vísi.is,sem alltaf er verið að boða að eigi að gerast. Finnst síðan útlitslega litlaus og óspennandi,ljósárum á eftir mbl.is,þrátt fyrir að þar séu innanborðs menn úr hópi mestu reynslubolta íslenskrar blaðamennsku eins og  Oli Tynes bróðir minn og Halli Thorst.

 

Nú ætla ég að spyrja stórt. Getur verið að ástæðuna fyrir því að aðeins 29% landsmanna bera traust til alþingis megi rekja til 12-16 ára eyðimerkurgöngu stjórnarandstöðunnar.Að Endalaus upphlaup þeirra og tilraun til leiksýninga hafi haft svona þveröfug áhrif.Maður sér varla myndskeið frá alþingi af öðru en leiktilburðum til edduverðlauna.Það má auðvitað ekki gleyma því að við ætlumst til þess að stjórnarandstaða veiti ríkisstjórnum aðhald,en kannski er að sannast nú hið fornkveðna fyrr má nú aldeilis fyrrvera.

 

Ég velti því líka fyrir mér hvort þetta kunni að stafa af því að þorri landsmanna hefur það svo gott í velsældinni að engin fordæmi eru fyrir. Þar af leiðandi  er stjórnarandstaðan endalaust að tala um og berjast fyrir hagsmunum hópanna sem minna mega sín, aldraðir,öryrkjar og umönnunarhópar. Og af því leiðandi finnst þorra almennings hundleiðinglegt á að hlusta. Kæmi mér ekki á óvart.

 

Það er kannski ekkert óeðlilegt að fólk ruglist í rýminu er það heyrir tekjur,þeirra sem mest afla í fjármálageiranum eða útrásarfyrirtækjunum.Fólk skilur ekki almennilega hvernig Bjarni Ármansson forstjóri Glitnis getur á 1 mínútu keypt og svo selt 5 ára gömul kaupréttarhlutabréf í fyrirtæki sínu með 380 milljóna króna hagnaði. En fólk skilur kannski heldur ekki að verðmæti bankans hefur tífalldast í höndunum á honum og hans fólki.

 

Fólk hins vegar skildi þegar alvöruskipstjórar eins og Eggert Gíslason Binni í gröf eða venni á grindvíkingi greiddu hæstu útsvör ár eftir ár.Þetta er nákvæmlega sama dæmið nema þessir menn draga aflaverðmætið á land í jakkafötum með slifsi.Árangurinn er öllum ljós.Handbært fé ríkissjóðs eftir janúar ,19 milljarðar, 6 milljörðum meira en metárið í fyrra.

 

Góðir fréttamenn falla í gryfju

Hrafnaþing 1. mars 2007.

 

Komiði sæl og afsakið að ekki var nýtt Hrafnaþing í gær . Þetta var bara í annað skipti frá því þátturinn hóf göngu sína á útvarpi Sögu fyrir mörgum árum,að hrafninn var forfallaður. Hitt skiptið var niður á Key Largo,er ég opnaði munninn svo upp á gátt að moskítófluga skellti sér niður á háls á mér og fékk fullnægingar andlát í víkingablóði.Ég ræskti mig hins vegar í heilan sólarhring, fannst hún vera þar endalaust á spena.

 

Vísindamaðurinn og frumkvöðullinn dr Sigmundur Guðbjarnarson fyrrum háskólarektor hér á eftir. Stórfréttir kunna að vera í deiglunni varðandi mátt íslensku hvannarinnar í forvörnum fyrir minnisleysi jafnvel Alzheimer og  karlakrabbameini.

 

Ég vil þakka kollegum mínum á hinum fjölmiðlunum fyrir góða umfjöllun um ÍNN,síminn hjá okkur hefur varla þagnað.Fólk að spyrja hvað sé á boðstólum,hvernig það ná okkur og allt þar í milli.

Ég hef hins vegar litlar þakkir að færa gamla einokunarrisanum Símanum,en margir starfsmenn hans virðast enn ekki vita að hann er nú einkafyrirtæki.Ég vona að ég þurfi helst aldrei að sækja þjónustu til Símans framar. 

 

Makalaust þegar góðir fréttamenn falla í gryfju dómgreindarleysis eins og Kristinn Hrafnsson gerði í gærkvöld á stöð 2 í frétt um laus hjúkrunar og vistunarrými fyrir aldraða,sem ekki er hægt að taka fólk á biðlista inn í sökum manneklu.

 

Fréttin var í sjálfu sér fyrirsjáanleg og enn ein endurtekningin ,en að leiða til kratakerlinguna Ástu Ragnheiði Jóhannesdóttur  krataþingmanninn,fyrirgefið orðbragðið og láta hana masa um að gildandi launasamningar og þar með kjör umönnunarstétta væru ríkisstjórninni að kenna er náttúrlega fyrir neðan allar hellur.Hvers vegna var ekki kallaður til verkalýðsleiðtogi, talsmaður þessa folks,sem þá hefði skýrt út hvers vegna ummönnunarstéttum var raðað í þessa launaflokka. Kristinn Hrafnsson á að vita það að Ásta Ragnheiður, ætti jafnvel sem ráðherra enga möguleika á að breyta kjörum þessa folks.Þess vegna voru ummæli hennar óábyrg og ómerkilegt kosningakjaftæði. Ég skil hana hins vegar ofur vela ð grípa tækifærið, er býðst svona ókeypis hádegisverður.

 

 Ég ætla bara að segja við starfsbræður mína á ljósvakafréttastofunum,nú er tíminn að taka allt sem alþingismenn segja með tvöfölldum fyrirvara. Á það jafnt við um strigabassa stjórnarandstöðunnar,sem ráðaherra,sem munu ótæpilega reyna að misnota aðstöðu sína til að ota sínu glingri, oft innistæðulausum stefnt er að yfirlýsingum.

 

Talandi um strigabassa, aumkunarvert að hlusta á Steingrím J á alþingi í gær öskrandi framan í þjóðina að það eigi að fara virkja Þjórsá gegn vilja bænda. Tóm andskotans lýgi, eins og honum einum er lagið. Við,íslenska þjóðin eigum 95% af öllum vatnsréttindum við Þjórsá.Ég get hins vegar lofað ykkur því að það verður ekki til sá bóndi,sem ekki vill lána sinn traktor í kaupbæti er búið verður að finna rétta verðið fyrir landnotin á 5% prósentunum.Allt annað er bara uppspuni hryðjuverkamanna umhverfissamtaka,sem troða sér oboðnir á fremsta bekk,er innansveitarmenn funda um málið.Eru þar gjarnan fremstir í flokki Hannibalssynir. Lífskjaraskerðingarpostular.

 

Ég hef  átt því láni að fagna undanfarið að njóta afburðaþjónustu íslenska heilbrigðiskerfisins.

Ekki það að neitt hrjái mig heldur ákvað ég að fara í allsherjartékk eftir að æskuvinur minn var bráðkvaddur.Búinn að fara í magaspeglun, ristilspeglun,kransæðasneiðmynd, nýrnasneiðmynd,hjartaþolpróf og margar blóðprufur. 7-9 13, allar niðurstöður mér í hag. Ég náttúrlega löngu komin með afsláttarkort og nýt því þátttöku úr sameiginlegum sjóðum okkar.En fyrst og fremst fyllist maður aðdáun og þakklæti fyrir velútbúnar og vel mannaðar rannsóknardeildir og maður skynjar hversu fumlaus vinnubrögðin eru. Líklegast eru engin fjárframlög almenningi mikilvægari, en þau sem fara í heilbrigðismál,allavega þegar  við þurfum á þeim að halda.Það vakti mig hins vegar til umhugsunar að einn af þeim ágætu sérfræðingum sem ég leitaði til sagði mér að hann gæti ekki brauðfætt fjölskyldu sína á því sem hann hefði í laun hér. Hann færi því reglulega til útlanda þar sem hann lærði til að eiga fyrir salti í grautinn.

 

 

Ég held ég væri orðinn rosalega langþreyttur á að vera kaupmaður.Allr frá því að ríkisstjórn Geirs Haarde ákvað að nota góðærishagnaðinn til að lækka skatta og vörugjöld af nauðsynjavörum hafa stjórnmálamenn  neytendasamtökin og talsmenn verkalýðshreyfingarinnar barið látlaust á kaupmönnum um að þeir styngi þessum lækkunum ekki í eigin vasa heldur láti almenning njóta.

 

Hafa íslenskir kaupmenn í samfélagi 300 þúsunda komist upp með sjálftöku fjár.Aldeilis ekki,frekar síður en svo.Við vitum öll hvað það þýðir að búa við landbúnaðareinokun.Við tókum þá ákvörðun sjálf gegnum þjóðkjörna fulltrúa okkar á alþingi.Við tókum þá ákvörðun að greiða nokkur þúsund íslendingum laun fyrir að framleiða fyrir okkur mjólk,kjöt og aðrar landbúnaðarafurðir.Við tókum ákvörðun um daginn að framlengja búvörusamningi við sauðfjárbændur.Eins og gengur eru menn misjafnlega hrifnir af slíkum samningum,en ég held að það kæmi skrítin svipur á neytendur ef þeir ættu að fara að velja allar þessar afurðir undir einhverjum framandi vörumerkjum.

 

Í allra þessari umræðu vekur eftirtekt að varla er minnst á veitingahús,sem verða æ stærri hluti af neysluvenjum þjóðarinnar.Þar lækkar vaskur,sem leggst ofan á reikningsverðið úr 24,.5% í 7% til viðbótar lækkunin á hráefnisverðinu.Þetta þýðir væntanlega að hamborgarar pylsur og samlökur að ekki sé talað um stórsteikur með bernais lækka verulega.Það þýðir væntanlega líka að heimsóknum fólks á veitingastaði mun fjölga verulega.

 

1 mars er enn einn sigurdagurinn fyrir fólkið á eyjunni bláu í velsældargöngunni,sem hófst fyrir 16 ár er hárprúður borgarstjóri varð forsætisráðherra og hófst ásamt samstarfsmönnum handa við að taka kistla af herðum hokinna þegna. Þegna sem nú eru orðnir svo spilltir af ofeldi að fjórði hver þeirra heldur að leiðin til fyrirheitna landsins liggi gegnum klofningsbrot úr kommúnistaflokki, sveipað grænni hulliðsskikkju.

 

 

Hrafnaþingsinngangur 27. febrúar í fyrstu útsendingu ÍNN

Hrafnaþing næst á rás 18 á Breiðbandi og Adsl kerfi símans og Inntv.is.Kemur á Digital Ísland vonandi fyrir helgi Það er endurflutt klukkan 20,á miðnætti og 8 næsta morgun

 

 

Sæl og blessuð og velkomin á Hrafnaþing eftir hlé frá því NFS gaf upp öndina í haust langt um aldur fram  og enn mörgum mikil eftirsjá að.Vilhjálmur Þ Vilhjálmsson borgarstjóri hér á eftir, þar sem við tökum upp þráðinn þar sem frá var horfið í haust. Villi Þ hefur verið fastagestur á Hrafnaþingi í mörg ár löngu  áður en Reykvíkingar báru gæfu til að kjósa hann til forystu í borginni.Það þarf ekki mig sem yfirlýstan stuðningsmann borgarstjórans til margra ára til að segja ykkur að gamli góði villi þ hefur slegið í gegn í starfi, meira að segja hörðustu pólitísku andstæðingar hans kveinka sér yfir því að það sé svo erfitt að finna á honum veikan blett.Borgarstjóranum,sem með tveimur völdum setningum braut á bak aftur innrás erlendra klámhunda.

 

 Hrafnaþing er fyrsti þáttur ÍNN,fyrirtækis sem við feðgarnir ég og Ingvi Örn settum á stofn rétt fyrir áramót. Fyrirtæki,sem í bland ætlar að framleiða og senda út sjónvarpsefni en einkum bjóða fyrirtækjum og einstaklingum upp á margþætta þjónustu í einu af fullkomnari myndverum sem starfrækt eru hérlendis,að því er við best vitum.

 

Þetta myndver er frá A til Ö hannað af Maríönnu Friðjónsdóttur reynslumesta framleiðanda sjónvarpsefnis hér á landi að okkar mati .Hún hefur á kvöldin og um helgar lagt með okkur á ráðin og leitt okkur áfram eins og skólastráka sem við fáum seint fullþakkað. Að auki lagði hún okkur til framleiðslustjóra, son sinn Andra Thor Birgisson sem er með einhvers konar doktorsgráðu frá mömmu sinni miðað við hve allt leikur í höndunum á honum.Svona er þetta fjölskyldu sprotafyrirtæki,byggt upp á vonum og draumum og litlu fjármagni,enda vill engin íslensk bankastofnun hvað þá fjármögnunar eða lýsingarfyrirtæki lána fé til sprotastarfsemi.Allar opnuauglýsingarnar um flæðandi fjárfestingafé eru meira og minna blekking. Það gerir ekkert til, einhvern veginn verða fjármagnsfyrirtækin  að græða. Allar tækja og tæknilausnir ÍNN sóttum við til Nýherja,byggðar á sonymyndavélum,en hinn eini og sanni Gulli Helga hjá Gulli byggir tryggði okkur úrvalsþjónustu iðnaðarmanna hvort sem voru smiðir ,málarar eða rafvirkjar.Þannig hefur okkur á innan við tveimur mánuðum náð að koma ÍNN í loftið.

 

 Í þessum þætti er sem fyrr gróði og meira að segja ofsagróði eingöngu af hinu góða.Stjórnandi þessa þáttar vill líka virkja og virkja meira í dag en í gær og fagnar öllu því fjármagni sem býðst til fjárfestingar hér á landi frá útlöndum.

Ég trúi því til að mynda aldrei að Hafnfirðingar ætli að láta efnahagslega hryðjuverkamenn hræða sig frá því að tryggja um ókomna framtíð traustar fjárhagslegar undirstöður þessa fallega bæjar og þjóðfélagsins í heild.Þeir hafa um áratugaskeið hlegið manna mest að Hafnarfjarðarbröndurum,en þeim er vart hlátur í huga er þeir horfa á ofstækisfulla utanbæjarmenn í skötulíki gamalla krataforingja reyna að grafa undan þeirra eigin velsæld.Seint munu Hafnfirðingar dæma sig til áratuga lífskjaraskerðingar og láta utanbæjarmennina hlægja hæðnislega að baki þeim.Þessu utanbæjarfólki gengur það eitt til í örvæntingu að stöðva efnahagslegan uppgang  sem hefur dæmt þá í 16 ára eyðimerkurgöngu áhrifa og valdaleysis sem ekki sér fyrir endan á.

 

En meira um það síðar,hittum aðeins fyrir son minn Ingva Örn,sem þið hafið fylgst með frá því hann var formaður  í verslunarskóla Íslands og þar til hann útskrifaðist viðskiptafræðingur frá Bifröst í vor,þar sem hann greiddi hæstu skólagjöld sem þekkjast í háskólum landsins öll þrjú árin. Það er ástæðan fyrir því að ég hef  hamrað á því við rektora háskóla Íslands og menntamálaráðherra,að Háskóli Íslands kemst aldrei í fremstu röð háskóla heims nema hann leggi á skólagjöld og losi sig m.a. við afæturnar og letingjana,sem eru mesti fjárhagslegi dragbítur á starfið í Vatnsmýrinni og melunum þar fyrir vestan.