Það sést í gegnum Jón Baldvin

Merkilegt þegar margra barna feður og afar láta fjölskyldu sína verða vitni að opinberum ósannindum, vil ekki nota sterkari orð. Nú talar Jón Baldvin Hannibalsson um rannsókn sýslumannsins á Akranesi sem sýndargjörning, lýgur upp á þennan ágætis embættismann að hann sé eitthvert handbendi einhverra samsærisafla, líklega 1000 manna hlerunardeildar sjálfstæðisflokksins. Eini sýndargjörningurinn, er þessi upplogni lögreglumaður, sem utanríkisráðherrann fyrrverandi bjó til sem heimildarmann, sem sýslumaðurinn á Akranesi fékk ekki að hitta. Ég lýsti því yfir frá fyrsta degi, er ósannindin hófust, að þessi fake pólísman, sem átti að hafa barið á framdyrnar hjá Búlgaranum Hideout, væri nákvæmlega það,”feik”og myndi aldrei fá að sjá dagsins ljós. Svo vill þessi annars ágæti maður láta taka sig alvarlega sem akademiker.

Athugasemdir

[Heimir Lárusson Fjeldsted, 22.12.2006 kl. 17:42]

Eitthvað varð maðurinn að taka til bragðs til að komast aftur í ljósadýrð fjölmiðlanna.

[Árni Gunnarsson (IP-tala skráð) 22.12.2006 kl. 19:50]

Þetta minnir næstum á upphafið að dýrasta og flónskulegasta sakamáli þjóðarinnar sem venjulega kallast Baugsmálið. Þar voru forsætisráðherranum boðnar mútur ef hann hætti að ofsækja eitt af útrásarfyrirtækjum okkar. Enginn hefur reyndar farið fram á að sú saga væri staðfest að dómstólum. En nú rifjast upp fyrir mér að dómur gekk nýlega í Hæstarétti þess efnis að ráðherrar bæru ekki ábyrgð á orðum sínum.  En, vel á minnst: Hvað er nýjast að frétta af uppbyggingunni í Írak? Það eina sem ég hef tekið mark á um það efni er yfirlýsing formanns Sjálfstæðisflokksins sem hann gaf á Alþingi og staðfesti það sem ég taldi mig áður vita. Allir himinlifandi í Írak nema það hafði frést af einhverjum áflogum í fimm sveitahreppum. En, vel á minnst; aldeilis er hún ægileg álagningin á vínberin hjá þessum glæpamönnum sem kenndir eru við Bónus. En nú skulum við bara vera kátir um jólin því Davíð og Bush eru vinir:" Og þetta er staðfest".

[Hilmar Sigurðsson, 23.12.2006 kl. 02:12]

Sælir eru trúaðir, innvígðir og múraðir!