Hrafnaþing um jól og fjárlög

Kominn frá Langárbökkum,þar sem er umhorfs eins og í maívorleysingum,bæði áin, Múlarnar og allt umhverfið vestan Hafnarfjalls.Þegar við renndum upp að  Sólvangi á Jóladag flaug upp af Stangarhyl stór fugl, Himbrimi eða Lómur,frekar en Fiskiönd, sást ekki almennilega í jólarökkrinu,sem var greinilega að háma í sig seiði upp við árbakkann,en þangað leita þau er flóð hleypur í Arnar. Við Langárbændur sjáum strax að miklar lagfæringar verða framundan, áður en við bjóðum veiðimenn velkomna í júní nk.

 

Tveggja ára nafni minn er á barnsaldri kominn með doktorspróf í VaaaaaaaááááááááÁÁÁÁÁÁÁÁÁÁÁ um! Föðruamma hans er þegar búinn að venja hann við að setja bréfið utan af gjöfunum beint í svartan ruslapoka og svo veit hann að á jólum er minni fyrirstaða , er kemur að nammi.Þetta var sannarlega hans hátíð og mikill gleðigjafi fyrir fullorðna fólkið að fylgjast með svipbrigðum,sem fylgdu váaaaunum.

 

Dundaði mér um jólin við að lesa mér til mikillar ánægju Haustliti Ásgeirs Péturssonar fyrrum sýslumanns í Borgarnesi.Hann var náin vinur Geirs Hallgrímssonar,Bjarna Benediktssonar og Eyjólfs Konrás Jónssonar og áhorfandi og þátttakandi í bernskusporum unga lýðveldsins.Enda ráðherrasonur sjálfur, auk þess sem faðir hans Pétur Magnússon var varaformaður sjálfstæðisflokksins.

 

Mér var við lesturinn tíðhugsað til hversu miklum og hörðum aga þurfti að beita við gerð fjárlaga hér áður fyrr og hve lengi sum þjóðþrifamál voru á athugunarsviði, áður en peningar fengust til framkvæmda.Sjálfur lagði Ásgeir stund á nám við fjárlagagerð í framhaldsnámi í lögum við Berkeleyháskóla í Kaliforníu, 9 árum eftir stofnun lýðveldisins og var ekki vanþörf á.Einn af prófessorum hans setti hljóðan,er Ásgeir sýndi honum uppkast á íslenskum fjárlögum.

 

Í dag eigum við svo mikinn afgang í ríkiskassanum að okkur finnst það bara kúk og piss að fara einhverjar ódýrari leiðir, hvort sem er í sjúkrahúsbyggingum,jarðgöngum eða tvöföldun vega út frá höfuðborginni, að ekki sé talað um einhverja 10 milljarða auka til öryrkja og aldraðra.

Kannski erum við að blindast af velsældinni sem flokkur Ásgeirs hefur innleitt hér á sl. 16 árum.Um þann gullpott verður þráttað og togast á um næstu 145 daga eða svo fram til 12. maí.

Athugasemdir

[Herbert Guðmundsson, 27.12.2006 kl. 19:42]

Ágæti Ingvi Hrafn! Sver að ég skil ekki formúlu þína í pólitík og enn síður að þú ætlir þér í alvöru að fitja upp á rekstri ljósvakamiðils á einskismannslandi. Sver jafnframt að mér þykir þú barasta ágætur eins og þú varst fyrir löngu. En tímarnir breytast og mennirnir með. Og vona að þú hafi ekki förlast sín á framtíðina. Bestu kveðjur, - herb.

[Herbert Guðmundsson, 27.12.2006 kl. 19:46]

Hvurslags er þett: Átti auðvitað að standa: "Og vona að þér hafi ekki förlast sýn á framtíðina". Bestu aftur.

[Gunnar Þór Hallgrímson (IP-tala skráð) 30.12.2006 kl. 19:05]

Sælir

Örugglega gulönd (stóra fiskiönd) sem hámar í sig á ám inn til landsins á þessum árstíma - einn stærsti fugl landsins.

- Gunnar Þór