Jafnaðarmannaleiðtoginn Þorgerður Katrín

Jafnaðarmannaleiðtoginn Þorgerður Katrín Gunnarsdóttir  “varaformaður Sjálfstæðisflokksins”vinnur svo  hörðum höndum að því að hygla ríkisstofnunum,að jafnvel gamlir Alþýðuflokksmenn fara hjá sér.

 

Nokkrum sólarhringum eftir að hún hefur við tárvota athöfn lofað Háskóla Íslands, einum háskóla, milljarða kosningaframlögum fram til 2011 , stendur hún stolt í pontu á Alþingi Íslendinga og lýsir yfir sigri Ríkisútvarpsins, sem hún hefur tryggt opið skotleyfi á einkarekna fjölmiðla og opinn aðgang að vösum skattgreiðenda.Hún hefur lögfest Hina opinberu Auglýsinga- og kostunarskrifstofu ríkisins, HOAKR.Minnir óneitanlega á orðið hokur. Allt þetta hefur hún gert með hausinn á kafi í sandi.Hreint ótrúlegt hve annars greind og góðviljuð kona hefur látið plata sig eins og gamall forsætisráðherra viðurkenndi einu sinni.

 

Páll Magnússon,sem svo eftirminnilega sveikst undan merkjum,sem helsti talsmaður einkarekinna fjölmiðla í 20 ár, mun nú fara hamförum á þessum markaði og einskis svífast í að raka fé að RÚV ohf. Enda hefur hann til þessa dags eins og síðustu forverar hans rekið apparatið með milljarða tapi, ef marka má umræður á hinu háa Alþingi. Ég geri ráð fyrir að honum beri að óska til hamingju. Kannski verður þetta til þess að RÚV getur ráðist í metnaðarfulla innlenda dagskrárgerð,en ekki byggja hlutfall innlendrar dagskrárgerðar

Á Kastljósi,sem er ekki lengur “ Verð að horfa á sjónvarp”.Byggist að mestu á maður situr á móti manni eða tveimur  þar sem oftar en ekki eru lagðar fram spurningar,illa undirbúnar. Svo er klikkt út með sníktu tónlistaratriði.Allt endursýnt um miðnættið og búið að redda innlendri dagskrárgerð. Ég fullyrði að klukkutíma Kastljósþættir,sem ég og aðrir fréttamenn bjuggum til ein í kringum 1980 eru í hærra gæðaflokki,en stjörnufansinn á RÚV býður nú upp á.En auðvitað er að finna perlur inn á milli

 

Er einhver hissa á því að grónir sjálfstæðismenn velti fyrir sér hvernig flokksforystan fór út af sporinu.Varla hefur heyrst né spurst til formanns flokksins og forsætisráðherra frá því að hann tók við embætti,illa fengnu af Halldóri Ásgrímssyni á sínum tíma.Síðast er til hans spurðist, eftir leiðinlegustu Kryddsíld þessarar aldar var hann sagður á heimslóðum í Noregi,en hann er hálf norskur eins og alþjóð veit á sama hátt og ég er kvart norskur af Tynesarætt í Sykelven.

 

Margir sem kjósa Sjálfstæðisflokkinn halda að ég sé einhver koppur í búri bláu handarinnar.

Hafa heyrt mig lofsyngja flokkinn á Hrafnaþingi,sem arkitekt og síðan vörð um mestu velsaældarár þessarar fámennu þjóðar.Sem stundum virðist í heild sinni komin í beinan karllegg af vondu fólki séra Árna Þórarinssonar, eins og hann grét eftirminnilega um á öxl Þórbergs um miðja síðustu öld eða svo.Ég verð bara að hryggja ykkur með því að ég á hvergi koppastað í Valhöll, þótt þar sé pláss fyrir marga marga. Horfi á þetta eins og aðrir Sjálfstæðismenn og hugsa með mér ,þetta hlýtur að vera pólitískur poker, það er verið að undirbúa eitthvað rosalega smart,sem við sjáum ekki fyrr en eftir 12. maí,hvernig símtölin rekjast eftir fyrstu tölur,hver hringir hvenær í hvern???

 

Það sem gerir málið enn furðulegra er að

aðstoðarflugmaðurinn í öllum þessum kratísku lendingum,er sjálfur Sigurður Kári Kristjánsson, lögmaðurinn snjalli frá Lex og fyrrum dáður leiðtogi og  kyndilberi ungra Sjálfstæðismanna í baráttu fyrir frelsi og einkavæðingu.Greinilega með höfuðið heldur dýpra í sandinum en hæstvirtur menntamálaráðherra.

 

Kannski eru þetta merki um þverpólitíska kvennlega samkennd á Alþingi,sem Ingibjörg Sólrún trúði Agnesi Bragadóttur fyrir í ágætu viðtali í Mogganum fyrir skömmu. Kannski verður það jafnaðarkonan Þorgerður Katrín,sem myndar næstu ríkisstjórn,með Ingibjörgu Sólrún,Kolbrúnu, Guðfríði Lilju, Valgerði og hinum stelpunum.Þverpólitísk Lysiströtustjórn.Er ég að grínast?

 

Athugasemdir

[haukur (IP-tala skráð) 24.1.2007 kl. 03:05]

en hvað viltu gera í þessu ruv máli? hafa það eins og það var, valið útvarpsráð af stjórnmálamönnum, selja það eins og það leggur sig? eða að ráða forstjóra eins og önnur fyrirtæki og ráða eða reka fólk ef þeim sýnist svo. eða  halda því í ríkiseigu eins og allir virðast vilja miðað við skoðunnarkönnun stjórnarandstöðunnar og engan má reka eða ráða án samþykkis útvarpsráðs, það verður hlegið að þessu eftir 5 ár.

[Heimir Lárusson Fjeldsted, 24.1.2007 kl. 11:26]

Út úr skrifum þínum skín kvenfyrirlitning og öfund yfir velgengni annarra í stjórnmálum. Er ég að grínast?

[Ólafur Örn Nielsen, 24.1.2007 kl. 13:49]

Ég veit nú ekki með þá kvenfyrirlitningu sem Heimir nefnir hvað þá velgengni varaformannsins í stjórnmálum. 78% kosning í nýafstöðnu prófkjöri hjá varaformanni stjórnmálaflokks telst varla til velgengni.

[Haraldur Haraldsson, 25.1.2007 kl. 16:11]

Eg er þarna hjartanlega sammála þér Ingvi Hrafn !!!!þetta eru orð i tima töluð/Við sem styðjum eistaklingsframtakið viljum ekki svona/þetta er ekki i þágu okkar Xd manna!!!!!!!